• Subscribe to our newsletter and never miss a single post - for FREE
Matimu, Xana a wu swi tiva?

Xana a wu swi tiva? #6

#1 – Xana a wu swi tiva ku va ka Maxawu, Mayibaze, Marhanele na va ka Manganyi i van’we?


#2 – Xana a wu swi tiva ku ku suka khale, Vatsonga hi vona a va khome vutivi na bindzu ro endla no xavisa munyu eka mimfumu ya Mwenemutapa, Maphungubye na Great Zimbabwe?


#3 – Xana a wu swi tiva ku Soshangani u hluriwe ku vava eka nyimpi ya le Xihaheni etikweni ra ka Valoyi?


#4 – Xana a wu swi tiva ku Vatsonga va na xichaya-chayani lexi nga xiximiwa hi Huvo ya Nhlangano wa Matiko yo langutana na Dyondzo, Vutshila na Ndzhavuko (UNESCO), ku nga Timbila?


#5 – Xana a wu swi tiva ku marito mo fana na:

  • Matimba
  • Mati
  • Mapa
  • Mativula
  • Mano
  • Marha
  • Mafi
  • Matimu etc

i marito lama pfumalaka VUN’WE na VUNYINGI?


#6 – Xana a wu swi tiva ku va ka Muhlanga va funghiwa hi Mangwa?


#7 – Xana a wu swi tiva ku ntsindza wa Rwanda, le Kigali, hi wona wu nga basa ngopfu ku tlula mintsindza hinkwayo ya la Afrika?


#8 – Xana a wu swi tiva ku Mhunti ya xinuna yi vuriwa Machocho hi Xitsonga?


#9 – Xana a wu swi tiva ku nkandziyiso wa madyondza wa Dr Thomas Hasani Chauke, wu thyiwe Nyoresh?


#10 – Xana a wu swi tiva ku rito “Natal” leri tirhisiwaka eka Kwazulu-Natal, ri vula “Khisimusi” hi Xiputukezi?

 
Previous ArticleNext Article

Leave a Reply

Your email address will not be published. Required fields are marked *