Hi siku ra vumune ra n’wheti ya Ndzhati, President Mayengani i boxi hungu ro yena na Mr Piano Man, ntirhisano wa vona wu fiki emakumu. Tani hi ntolovelo, xiviko xa Benny Mayengani xi sunguli guwa na mahungu-ndlela.
Benny Mayengani i ve a twala eka GCR FM hi siku ra vukombo ra n’wheti ya Ndzhati, laha a nga rhumela minseve ya rinyadzo eka Prince Rhangani na nkata yena, Xongi Rhangani. Benny Mayegani i tlhe a tiyisisa ku yena na Joe Shirimani na Mr Post va nge tirhi swin’we.
Benny Mayengani i ri, “ku ve na ti problem to tala” exikarhi ka yena na Prince Rhangani. Xirhalanganyi-nkulu exikarhi ka Murozwi na Mun’wanati, ku tikomba kuri nkata Rhangani. Xongi Rhangani i lumbetiwa ku “dlhomutela” eka mafambiselo na vuhumelerisi bya Rhangani Music. Benny Mayengani i lumbeta Xongi ku va a lerisi Prince ku a n’wu susa eka risimu ra Mariana. Benny u tlhe a ku Xongi u rhuketeli Kenny Bevhula na Khensi, hi swona swi nga endla ku va famba eka Rhangani Music.
Hambi swi ri tano, Benny Mayengani i kokela tlhelo hi ku sasameta valandzeri va yena eka ‘Dlhomu’ (Xongi). I ndhelelo eka Prince Rhangani na va muti wa ka Rhangani, ku tlula sweswo, valandzeri va President va ta endla cyber bullying eka Xongi. Benny Mayengani i nga ku wa rivala ku valandzeri va yena a va tirheki, vuhlayiseki bya Xongi byi nga va byi ri ekhombyeni.
Hi lawa marito ya Benny Mayengani eka GCR, na ya kongomi Prince Rhangani na Xongi Rhangani;
- “Ku chaya organ a swi vuli ku munhu wa producer”
- “Kasi why le ka Prince ku dumi mina ntsena, hikuva u record-i more than 40 wa ti artists, hi yihi ya tin’wani mi yi tivaku?”
- Prince Rhangani eka Kenny Bevhula; “Ni mi vonini mi ri na va Team Shirimani, se mi va Team Shirimani?” Benny Mayengani; “Se hina a hi fanele hi tsutsumini loko hi vona Joe na Mr Post… And the very same Prince Rhangani u tirhe na Mr Post hi 2015, I never had a problem.”
- “Ende mina ni nge pfumeli ku loko ni ri studio ni ta lawuliwa hi n’wasati mina a studio.”
- “Loko mo ya mi ya trader-in movha, ni na sure mi ta xava ya quality ku tlula leyi mi nga na yona.”
- “Mbilu ya mina a yi teki thyaka, a hi dustbin”
- “Problem leyi ni nga na yona i ku, vanhu va valavula hi ku criticize-a Benny. Why mi criticize-a Benny? Yena luya kova milungu?”
- “Mina ni hakela R15000 a studio xa Prince, a ni mi la ku tiva ti problem ta mina na Prince n’wina, mi ta kota ku judge-a kahle n’wina ti judge. So mina ni tirhaku na Prince, loko ni endlela Prince album, a ni kumi na 4%”
- “Ni la ku kombeta vanhu ku talent ya mina a yi khomiwangi hi munhu”
- “Mina ni nge produce-iwi hi Dlhomu, a ni fambi na nsati wa mina a studio”
Prince Rhangani a nga se hlamula swihehlo na tinhlambha ta Benny Mayengani. Mun’wanati va lo vika vuhumeso byintshwa ku pfa eka Rhangani Studio, ivi va ku wi!
[su_button url=”http://www.datafilehost.com/d/80a625f5″ target=”blank” background=”#efcd2d” size=”4″]Ntumani wo ehluta (Click to Download) Mariana (Mindzhumba) ya Prince Rhangani [/su_button]
[su_button url=”http://www.datafilehost.com/d/563a9071″ target=”blank” background=”#efcd2d” size=”4″]Ntumani wo ehluta (Click to Download) Mariana (Acoustic) ya Prince Rhangani [/su_button]
Xana nyimpi leyi yi ta herisa ku yini? A na Prince i ta hlamula, kumbe i ta tshika Mfenhe ya Varozwi yi nyela nambu wa N’wanati? Xana Benny Mayengani i ta ringeta ku dya hi “beef” ya yena na Prince ke? Xana Prince i miyerisiwa hi ku va a chava nandu? Xana Xongi i va a kha a lava yini eStudio? Swivutiso swi tele.
Whe nkarhi, hi ta twa hi wena…