• Subscribe to our newsletter and never miss a single post - for FREE
Daily Xitsonga, VVX

Xitsonga xo Gombonyoka

Ahee,

Leyi i ndzulamiso ya tirhisela ra ririmi.

U twa munhu a ku; “Hinkwenu ha famba.” | Leswi swi hoxekini, languta:

  • Hinkwerhu (Hina)
  • Hinkwenu (N’wina)
  • Hinkwavo (Vona)
  • Hinkwerhu ha famba
  • Hinkwenu ma famba
  • Hinkwavo va famba

Ku na vulavulelo rin’wani ro ka ri nga hlantswekanga, leriya ro “Ni tshame wexe.”| Ntiyiso hi lowu:

  • Ni tshame NEXE (Mina)
  • U tshame WEXE (Wena)
  • i tshame YEXE (Yena)
  • Hi tshame HEXE (Hina)
  • Mi tshame N’WEXE (N’wina)
  • Va tshame VOXE (Vona)

Rin’wani vulavulelo ro gombonyoka hi leri: Munhu i ri “Makwenu wa mina.”| Ntiyiso hi lowu:

Languta, Xilandzi/Xiheteleri -nu, xi bumabumela vun’winyi hi ku komba munhu wa vumbirhi eka vun’we na le ka vunyingi (wena, n’wina).

  • Makwerhu (wa Mina/Hina)
  • Makwenu (wa Wena/N’wina)
  • Makwavo (wa Yena/Vona)

Swi fana na loko hi ku:

  • Nakulorhi (wa Mina/Hina)
  • Nakuloni (wa Wena/N’wina)
  • Nakulobye (wa Yena/Vona)
  • Ka Rikwerhu
  • Ka Rikwenu
  • Ka Rikwavo
  • Ririmi rerhu
  • Ririmi renu
  • Ririmi ravo

NB: -Rhu, -Nu na –Vo i swilandzi swo bumabumela hi ku komba munhu, hi ku hambanisa xivulavuri na loyi xi vulavulaka na yena, kumbe loyi xi vulavulaka hi yena. Eka mhaka ya Makwerhu, Makwenu, Makwavo, a swa ha bohi, hi ntiyiso wa Xitsonga, ku tirhisa masivi-nene (Mina/Hina, Wena/N’wina, Yena/Vona) ku landzela Makwerhu, Makwenu, Makwavo. Loko ni ze ni ku: “Loyi i Makwerhu” (swi le rivaleni ku i makwa mina) -Rhu liya se ya komba.

Loko i lava ku tirhisa masivi-nene. Vula leswi:

  • Makwa (Mina/Hina)
  • Makwa (Wena/N’wina)
  • Makwa (Yena/Vona)

#DailyXitsonga

 
Previous ArticleNext Article

Leave a Reply

Your email address will not be published. Required fields are marked *