• Subscribe to our newsletter and never miss a single post - for FREE
#TsongaSauce Alert!, Bantu Lyrics, Entertainment, Music Reviews

FanaThePurp u hlamula ‘G one i Genius’ ya HIV Makhense

HIV Makhense i humesi risimu rintshwa, laha a nga vutisa ku xana FanaThePurp na VIVMAG va ri twisa ku yini risimu ra yena. Eka risimu leri, HIV Makhense i tivula Hosi ya vusimu eka vunanga bya Mindzhumba na Electro.

Tani hi ntolovelo, vunanga bya Munhlave na his many personalities, byi na mafenya, dyondzo na mijamujamu. Munhlave u na nyiko, i mutsari wo pfumala ntangha eka tinsini ta Electro na Mindzhumba, hambi Benny Mayengani u landa hi le ndhaku loko ku ta eku tsaleni minsumo.

Solly Makamu i screenplay writer, Benny i Xikwembu xa ti ‘One-liner’ – Solly i na vuswikoti byo tsala risimu tani hi xivonwa, minsumo ya yena yi tlhontlha mianakanyo. Kambe, Makamu i tshikeleliwa hi mijamujamu, hi yona yi endlaku ku a nga tekeliwi enhlokweni loko a dzikisa xitsalo. Xikombiso hi lexi; loko minsumo ya tinsimu ta album ya AWARD YO LOLOHA a ti lo yimbeleliwa hi Benny Mayengani kumbe Mr Bow, tinsimu ta vona a ti ta amukeliwa hi swiloso na nseketelo wukulu. Hambi risimu reri ra G ONE I GENIUS, loko a kuri Mayengani kumbe Bow, these verses would be legendary;

“Ku hava nkarhi, ku nga nkarhi wo endla swilo
Swi endli sweswi, nkarhi wa ha pfumela
Va endla ntlawa, va ku a nga fani na hina
Va ni hleka, va tlhe va ni hlekula
Va gurupana, va ku a nga fani na hina
Va ni hleka, va tlhe va ni hlekula” – HIV Makhense

Ntumani wo ehluta (Click to Download) G One i Genius

“Na tiyimisela ku hlangana na leswo tika,
mara ni lava swa kahle…
Vutomi bya ni vumbuludza,
mara loko ni ri hansi mhe ni hlawula ku pfuka…
Vawin-i a va tshiki, vatshiki a va win-i,
i xivulavulelo…” – HIV Makhense

Ntumani wo ehluta (Click to Download) G One i Genius

Munhlave va ha ri na ntirho wo tala eku hundzuleni “brand” ya vona, swi na nkoka ku Solly Makamu a hambana na mijamujamu ku minsumo ya yena yi ta hanya. Swi lava Munhlava va ringeta tinxaka tin’wani ta vunanga, ku va ta tlakusa matimba ya minsumo ya vona. Electro na mijamujamu ya HIV Makhense / G One / Solly Makamu swi onha mintlhaveko ya marito eka risimu. Mafenya ya tirha eka risimu, kambe mijamujamu swi lava yi helela eka swivonwa na le ka internet.

Eka Tatana Makamu; hi kombela mi yingisela Matshwa Bemuda, Alfred Mudluyi, Shinyori Sisters, Banda Six, na Joaquim Makwakwa – mi dyondza ntokoto wo endla vunanga bya mintlhaveko ya matimba. Vunanga byo valavula na mbilu byi xavisa ku tlula vunanga byo cinisa, vutisa Hangalasa, General Muzka na Dr. Thomas Chauke.

Avuxeni.

 
Previous ArticleNext Article

Leave a Reply

Your email address will not be published. Required fields are marked *