• Subscribe to our newsletter and never miss a single post - for FREE
Entertainment, Music Reviews

The King of Xitsonga Dance Music presents Swigingi Swa Ntikelo (2017 album)

Eka Game ya Tsonga Electro, ku na Tihosi ta Mxexo (Hangalasa na Russian Army), ivi ku va na Hosi ya Ncino, ku nga Magezi Chauke. SWIGINGI SWA NTIKELO i vuhumeso bya vunkombe bya Magezi Chauke, laha a nga tirhisana na Magoda Manganye ku kandziya album leyi e MM Productions. SWIGINGI SWA NTIKELO yi hume hi siku ra vukhume ra Khotavuxika hi 2017.   

Hi lowu nhlelo wa hina wa SWIGINGI SWA NTIKELO:

Magezi Chauke i koti ku hlayisa Tsonga Electro ya 2004, SWIGINGI SWA NTIKELO swi hi tsunduxa Sasekisa na Sam Sikiza. Swi le rivaleni ku Magezi Chauke i pfa ka ntila wa Sam Sikiza wa Tsonga Electro, moya wa Sam Sikiza wu hanya eka Magezi Chauke, the kid is Sam Sikiza in a jacket and jeans. Magezi Chauke i chaya old school Tsonga Electro, leyo chayiwa referencing movement ya xisuti (xibelani) na pattern ya makhwaya. SWIGINGI SWA NTIKELO yi chayiliwi vacini no cina, leswi a hi xihlamariso hikuva Magezi Chauke i muncini. Vunanga bya SWIGINGI SWA NTIKELO i wa ba hi rivilo, wu ninginisa miri.

Nxanxameto wa tinsimu ta SWIGINGI SWA NTIKELO ya Magezi Chauke:

#1 SWIGINGI SWA NTIKELO – Risimu ra ba, i risimu ra matimba ro tivika hi rona! Kambe swi ta njhani Muhlengwe a ku i ntukulu wa Gwambe, Dzavani na Nghunghunyani? Nkarhi wo a tlhe a va ntukulu wa Xinyori i wu kuma kwihi? Risimu leri is a mess ku vula ntiyiso, i risimu ro hlohlotela vanhu ku va tinyungubyisa hi ndhavuko, kambe ri tlhe ri lahlekisa Vatsonga handle ko swilemuka. Vutsonga   

#2 RIRHANDZU RA NTIKELO

#3 TINKUZI FEAT. MANDLA, NR NYAMBI NA TMAN – Njamba! Xihiso! Hi tshemba ku risimu leri ri endleliwi masangu, swa tika ku tshamisekisa xisuti loko Tinkuzi yi handula xipikara. Tinkuzi yi na matimba yo dyisa mali ya rent, mi lemuka kwalomu mabyaleni.  

#4 SWI LAVA ENERGY – Leri i risimu ra woman-on-top.

#5 KHALE A SWI NGA RI SO – Eka risimu leri Mantsena va vhuma bya khale ka Sasekisa! Wa hi pambulela Magezi Chauke ka risimu leri, hi tin’wani ta tinjamba letikulu eka SWIGINGI SWA NTIKELO.   

#6 MAKOMBA NDLELA

#7 MADZOVO FEAT. MANDLA – Another typical Tsonga slut shaming hit. Hi kombela mi hambana na vo khazi va game, hina va hi khoma kahle. Hi tshikeni hi tlhuvutsela hi ti tsakela. Magezi Chauke i hava moya wa bolo, so disappointed.

Madzovo = Sluts  

#8 NI DAKWA SO

#9 FUWO NA NDHAVUKO FEAT. KK MABUNDA NA BRA SAM – Njamba ya tinjamba, Magezi Chauke i pitbull ka keyboard. KK Mabunda na Bra Sam va ha ta ku tiphineni lomu mitlangwini hi mhaka risimu leri. Fuwo na Ndhavuko yi ba ku tlula tinsimu hinkwato eka SWINGINGI SWA NTIKELO, hi xo xigingi-nkulu.

#10 CINELO RA MINA – Tinsimu ta muxaka lowu ti rhandiwa hi repeat.

#11 MAKHWAYA REMIX PART 2 – Magezi Chauke is a BEAST, hands down Hosi ya ti Remix.

#12 DOLOLO / WOLOLO REMIX FEAT. DJ STHU – Ri ta trend-a risimu leri eka Ti Club; ri endleliwi ku cina hi ntlawa, i risimu ro la madyikili.

#13 XIBELANI REMIX – Magezi Chauke hi yona nsini yi ri yoxe yi humesaku an actual remix, na ku nga ri instrumental ku endlela ku tatisa nhlayo wa tinsimu eka album. Ti remix ta Magezi Chauke i risimu ro helela, ro chayeliwa ku cinisa no cina hi rona. Hi swona swi endleka Magezi Chauke Hosi ya ti Remix.  

#14 KING OF REMIX – Ku hava xo xi kaneta, Magezi Chauke i xisaka xa timipfi.

SWIGINGI SWA NTIKELO yi hava ntangha, i tirhini Magezi Chauke, swa fanela ku hi n’wu seketela; ku cinisa vanhu i nyiko leyi Xikwembu xi nga lan’wela yona Magezi Chauke.  

“A formal CD launch will be held in Soweto in mid-July, venue still to be confirmed but people will see all details on our Facebook group, Xikunyani Music Promotions (This FB group has just been created) and also on our personal Facebook accounts which is Magoda Manganye and Magezi Chauke. People can look forward to see his live performance on the 02 September 2017 at the festival which will be staged in Tembisa Stadium. We are available for bookings at an affordable rate and we can be contacted on 078 185 3277 (Magoda Manganye) and 083 551 5300 (Magezi Chauke).” – Magoda Manganye

     

 
Previous ArticleNext Article

Leave a Reply

Your email address will not be published. Required fields are marked *