• Subscribe to our newsletter and never miss a single post - for FREE
Daily Xitsonga, VVX

Xana a wu swi tiva? #7

#1 – Xana a wu swi tiva ku Nigeria hi rona tiko ri ri roxe ra la Afrika, leri nga aka ntsindza wa rona endzhaku ko kuma ntshuxeko?

#2 – Xana a wu swi tiva ku rito “Belengu” ri vula nyimpfu ya xisati hi Xitsonga?

#3 – Xana a wu swi tiva ku hi ndzhavuku wa Vangoni, va yirisa ku dya hlampfi na hinkwaswo swa le matini?

#4 – Xana a wu swi tiva ku Nkanyi lowuya wa le Magudu wu tsemiwe ko tala, kambe nampundzu va kuma wu ri kona?

#5 – Xana a wi swi tiva ku rito “Kgapane” i vulelo ra Khelobedu ku vula Khambani, Hosi ya ka Mavundza?

#6 – Xana a wu swi tiva ku Vatsonga hi vona rixaka leri nga na tindlela to tala to kandzela swakudya? Ku na ku kandzela hi timanga, tinkanjhu, timongo, tihuhlu na salamanga.

#7 – Xana a wu swi tiva ku loko xigugu xi endliwe hi vuhetiseki, xi nga heta ntsevu wa tin’wheti na xi nga se bola?

#8 – Xana a wu swi tiva ku va ka Kubayi (Khubayi) na va ka Ngomani i van’we?

#9 – Xana a wu swi tiva ku loko va ka Mavunda va ku “yi tshika byanyi yi dya vululwani” va vula Hongonyi?

#10 – Xana a wu swi tiva ku Madzivi i un’wani wa tihosi letikulu ta Vahlengwe?

 
Previous ArticleNext Article

Leave a Reply

Your email address will not be published. Required fields are marked *