• Subscribe to our newsletter and never miss a single post - for FREE
Matimu

Rivilo ra Akani Simbine ri endla matimu eDoha

Mutsonga wa Valenge (N’wanati), Akani Simbine, u endli matimu eDoha hi ku va Mu-Afrika-Dzonga wo sungula ku hlula eka mphikizano wa rivilo wa 100m eka Diamond League. Na a nga se endla matimu eQatar, hi n’wheti ya Nyenyankulu, Akani Simbine u endli matimu ePitori hi ku tsutsuma 100m hi 9.92 sec, ku nga nkarhi lowu wu nga eka xiyimo xa vumbirhi emisaveni hinkwayo.

Hi wa vuntlhanu (05) wa Nyenyankulu, Akani Simbine u hlamarise misava hinkwayo, hambi va BBC swi va vivini loko a hlula va matsune va rivilo – Justin Gatlin, Andre De Grasse, Asafa Powell na Kim Collins hi 9.99 sec.


Akani Simbine, hi ti ba xifuva hi wena!

Mulenge wa rivilo!
Mudyi wa mintsumbula na munyantsi
Wa vito ro chaviwa,
hi lava nga emahlweni
na lava nga endzhaku ka wena
Nyeleti ya vuxa!
Nganakani ya vatsutsumi
Nkwembu wa rivilo
loko u fika emakumu
u ku; Mun’wani a ti hi ta tsutsumisana!


Photo: EPA/ Noushad Thekkayil

 
Previous ArticleNext Article

Leave a Reply

Your email address will not be published. Required fields are marked *