Marabenta Special – Mimae, Ziqo, Lourena Nhate, Brada Mussa, Madame Judy (#TsongaSauce Alert!)

Vhiki leri hi yi komba eTsindza, eMsambikana!

MIMAE – Viva Mulher (Prod. Marcelo Lopez)

Leri i risimu ro tlangela Tihoskati ta vantima! Mulher swi vula n’wasati / wa ka mhani hi Xiputukezi. Viva Mulher i risimu ra matimba, ri huma embilwini. Viva Mulher i rabenta ra vuthu. TOO WOKE. Swa tsakisa ku twa nsini ya n’wasati ya Mutsonga yi yimbelela hi vun’we. Hi karhele hi swicele swa vugangu.

“Wena i xiluva, wasate!”

Ntumani wo Ehluta (Download Link)

LOURENA NHATE FT. RINGO MADLINGOZI – Na Bonga Papa

Lourena Nhate na Ringo eMaboneng Precinct

Hi leti tinsimu a hi fanele ku ti twa loko hi pfulela Munghana Lonene, kambe… It’s a proper cross-over joint, ni tshemba Lourena i na “budget” yo ri fikisa eka swiyanimoya swo hambana-hambana la eAfrika-Dzonga. Na Bonga Papa ri fanela vazalwane lavaya va swikhothani. Na Bonga Papa i risimu ro saseka ro khensa mutswari wa Xinuna, loyi a nga kayakaya evuton’wini ku fika n’wana yena a humelela.

Musambiki yi katekini hi ku va na tinsini ta vavasati to yimbelela hi swi swa nga na mongo na rirhandzu. Loko ku ri vaa hala Ka Mandela, va dlawa hi ku yimbelela ngopfu hi mabyala na mchovho.

Lourena na Ringo Madlingozi va humesi mvavamelo wa Xitsonga na Xingoni, Na Bonga Papa i nkatsakanyo wa Gospel na Marabenta, ti tweli hi wexe;

Ntumani wo Ehluta (Download Link)

BRADA MUSSA – A Siwana la Mina

Na sungula ku twa Marabenta ma muxaka lowu, A Siwana la Mina ri na that taxi rank vibe. Ni nge hlamali if this song is the biggest in Mozambican taverns and taxi ranks. I hit ya le Kgashakgasheni, kambe ra vupfini ku ri nga tlangiwa eka radio. DJ Brian would love this song, ra pasa ku tlangiwa ka Mindzumba ya Afrika.

Ntumani wo Ehluta (Download Link)

MADAME JUDY – Ussarangane

Rito ra Madame Judy ri ni tsunduxa Antonio Marcos na Xidimingwani. Ussarangane i risimu ro vava, ku tshemba munhu swi ni khombo. Madame Judy yi na voko, Xitsonga lexi xi biwaku eka risimu leri xa nyoxisa. Madame Judy va tirhi na Kadu Beatz eka Ussarangane, a swi boha ku va xihiso.

“Ussarangane” i tsalelo ra Xiputukezi ra Sarangani, ku nga tsotsi / con hi Xitsonga.

“Ussarangane wena, na kona i nyoka wena”

Ntumani wo Ehluta (Download Link)

ZIQO – Minhembeti

Hi ya loye Ziqo with another new experimental project. Eka Minhembeti, Ziqo u endla Hiphop, ku nga ri Marabenta. The beat is kinda whack, kambe minsumo na rito ra Ziqo eka risimu leri are on another level. Ziqo wa tsala, tshama hansi. Ziqo a nga se tshama a ti boha eka Marabenta, Ziqo i munhu wo endla vunanga byo hambana-hambana hi Xitsonga na Xiputukezi.