Avuxeni!
#1 – Xana a wu swi tiva ku risimu ra Wazimbo – N’wahulwana ri tshame ri tirhisiwa eCalifornia ku endla xinavetiso xa Microsoft, ri tlhe ri endliwa “soundtrack” eka nkombiso wa “The Pledge” hi lembe ra 2001?
#2 – Xana a wu swi tiva ku loko va ka Makhuvele va ku “Mugwena”, va themendhela Khutla, va ri fanisa na Ngwenya ematini?
#3 – Xana a wu swi tiva ku Xirinda/Xirindza/Chirindza/Silinda i xivongo xin’we?
#4 – Xana a wu swi tiva ku mavito mo fana na va Hasani na Xijumani i mavito lama nga ta na van’wamabindzu vo huma le Arabia? Hasani i Hassan, Xijumani i Jummah (lontsongo).
#5 – Xana a wu swi tiva ku, tiyindlu ta vuhaxi ta 5FM, a ti ri eMozambique ku suka hi lembe ra 1936 ku ta fika lembe ra 1975 loko 5FM yi rhurhisiwa yi ta eJohannesburg? 5FM a ku ri LM Radio, ivi yi va Radio 5, namutlha yi vuriwa 5FM.
#6 – Xana a wu swi tiva ku rito “Xivavula” ri vula Sulphur/Enxofre?
#7 – Xana a wu swi tiva ku rito Nyambi, ri vula hunga ya le lwandle?
#8 – Xana a wu swi tiva ku, Majisitarata na Loyara/Gqweta a hi Xitsonga? Hi Xitsonga i Mutengisi na Muyimeri.
#9 – Xana a wu swi tiva ku vito “TANZANIA” ri pfa eka ku hlanganisa mavito mambirhi, ku nga TANGANYIKA na ZANZIBAR?
#10 – Xana a wu swi tiva ku, ntswamba wa mbuti wu themendheriwa ngopfu eka ku tiyisa miri na marhambu, ngopfu eka vana lava ha kulaka?