• Subscribe to our newsletter and never miss a single post - for FREE
Entertainment, Music Reviews

Percy Mfana breaks 5 year struggle – Ni Rhume Mfana album Review

Chavani lava hi va rhandaku va vuyini, se va nga wisa no “Vuya-vuya Chavani”, va le hansi va hlamulini xirilo xa vona. Album ya NI RHUME MFANA yi pfuxete ndzuti na xiyimo xa Percy Mfana eka vunanga bya Xitsonga. Ntirhisano wa Percy Mfana na Prince Rhangani wu ve na mimbuyelo yo tshova mbilu eka malembe lama nga hundza, va kayakayi ngopfu Van’wanati. Lembe ra 2015 ri tiki ngopfu loko Team Shirimani yi humesa risimu ra Chavani.

Tani hi ntolovelo eVutsonga, Percy Mfana hi un’wani wa tinsini ti nga humesa album ya Good Friday (2017). NI RHUME MFANA i album ya Makume-nharu ya Percy Mfana ya Xitsonga, eka NI RHUME MFANA, Prince Rhangani i vuyise mimpfumawulo na machayelo ya khale ka Percy Mfana. Kambe eka tinsimu tin’wani ku twala Prince Rhangani ku tlula Percy Mfana; Mr Cool nga ku yi na vu Puff Diddy.

NI RHUME MFANA i album leyi valavulaku hi Vuloyi bya tikereke, Vugangu na Mintudu (Chicks) na leswi na leswiyani. NI RHUME MFANA yi chayiwe hi Prince Rhangani na Mapayitela Patson Chauke, yi kandiyisiwe e Xamindzhumba Studios.

Swi ti komba Percy Mfana na Prince Rhangani va pfupfuli switayela swa khale ku tiyisisa ku a va hupi ku fana na malembe. Vunanga bya NI RHUME MFANA byi ku teka byi ku tlherisela eka Percy Mfana wa Matsune, u tlhe u twa na machayelo ya Nkelunkelu na Faka Mchizi. Prince Rhangani i katse na mimpfumawulo ya Tsonga Electro ya Hangalasa ku endla vunanga bya album byi famba na minkarhi.

Hi lowu nxanxameto wa tinsimu ta NI RHUME MFANA No.13 ya Percy Mfana:

  1. NI RHUME MFANA – yi koka rinoko, kambe a swi twisiseki ku risimu ri ya kwihi, hambi swiritano, swihlangi swi ta ku yi tsakaleni; u nga hlamali loko u byi vona byi ‘zingila so!’
  2. U KHONA U JESU (FEAT. XONGI RHANGANI) – i risimu leri ri nga ta duma ku tlula tinsimu hinkwato eka album leyi hambi leswi ri nga bi ku swo yini. Percy Mfana u ta dya hi rona risimu leri, U KHONA U JESU is the new wave, mi ta ku a hi vulangi.   
  3. I RECEIVE – Munghana Lonene yi nge ri tlangi risimu leri, ri lumbeta Major One vutsotsi #Blasphemy
  4. VO NDZI RHANDZA – “Phela ku Luleka swi vula ku Bless-o!” Leyi i Njamba! Ri ba ku tlula tinsimu hinkwato eka album, handle ka Kokwani Xidyankuma. VO NDZI RHANDZA i risimu ro sungula ro huma eka album ku ta nyanyula vaseketeri, ri amukeliwi kahle; hi rona risimu leri ri nga vuyisa Percy Mfana a game-ini.

Ntumani wo Ehluta (Download Link)

  1. CHELA MAFURHA – i CHAYELA ya Prince Rhangani, ko hambana hungu – ku kandiyiwa vhurrra eka CHELA MAFURHA. Xo hlomula mbilu hi risimu leri i ku; Hosi Mhinga, Hosi Xikundu na Tihosi tin’wani ta Van’wanati, va tsandeka ku tshinya no dyondiza vana va vona, hi lava Van’wanati va ti vitana Machangani. #NiMiyerini

Ntumani wo Ehluta (Download Link)

  1. VA KA MHANI VE LE TOP TOP – risimu leri ri ta va eka bombo hi Women’s day, e tikhombeni, e tikerekeni, e mintlangwini na hi Lady’s Night lomu mabyaleni; ri twala ku ri risimu ra kahle ku tirhisiwa eka swinavetiso (promo) swa xiyanimoya.
  2. XIMFENHANA (Riendzo ri ya Mahlweni) – se Ximfenhana xi le ka Thomo, xi yi vanga ku tlula na le ka Bevhula, se ku laveka na ndzilo wa evhangeli. Ve a xi massage-ana na Vakhegulu, xi vutli na KFC, xi tlhe xi cina xi weliwa na hi buruku. Classic Savage!
  1. DYI HAPTA (CAPTURE)
  2. MPAMBUKWA – risimu leri ri sasekini swinene; ra hina va strong, a hi ra genge.
  3. I RECEIVE (Remix)
  4. KOKWANI XIDYANKUMA – i ta cina i nga lavi! 10/10
  5. KA SBIJANYANA

NI RHUME MFANA NI YI NYIKA 8/10.

.iFanaThePurp

 
Previous ArticleNext Article

Leave a Reply

Your email address will not be published. Required fields are marked *