Vanhu vo tala, va pfilunganyeka hi mavito lawa, kun’wani swi endla onge i vito rin’we. Kambe, vito na vito ri vula xilo xo hambana; hambi leswi mavito lawa ma tirhisiwaka hi ku fana, ma na ku hambana.
Ku hambana lokukulu hi loku:
#1 – GREAT BRITAIN
Loko ku vulavuriwa hi Great Britain, ku vulavuriwa hi tiko-xihlala leri nga na matiko manharhu lama tiymeleke ma ri woxe, kambe na ma hlanganile.
Matiko ma kona i:
- England
- Scotland
- Wales
Great Britain, i tiko leri kumekaka evuxeni bya tiko ra Ireland na n’walungu-vuxa bya tiko ra France hala Lwandle ra Atlantic. Xisweswo, loko munhu a ku u le Great Britain, swa endleka a ri England, Scotland kumbe Wales, tani hi ku Great Britain i nhlangano wa England, Scotland na Wales.
#2 – THE UNITED KINGDOM
Loko ku vulavuriwa hi The United Kingdom, ku vulavuriwa hi tiko leri katsakaka Great Britain (England, Scotland, Wales) na Northern Ireland. Hi ku komisa, loko ku katsiwa England, Scotland, Wales na Northern Ireland, tiko ra kona se ri vitaniwa The United Kingdom.
Vito ra ximfumu ra United Kingdom i “United Kingdom of Great Britain and Northern Ireland.”
Hi minkarhi yo tala, England, Wales, Scotland, na Northern Ireland ma tekiwa tani hi matiko lama tiyimeleke, kambe ko va swiphemu, miganga kumbe switikwani swa United Kingdom.
#3 – THE BRITISH ISLES
British Isles i vito leri, hi ku katsakanya, ri vumbiwaka hi nhlangano wa Great Britain, tiko hinkwaro ra Ireland (Ireland na Northern Ireland), na swihlala swo tala swo fana na Bailiwick na Isle of Man. Kambe, hambi loko Isle of Man ku ri xiphemu xa British Isles, xihlala lexi, a xi weli kona ka United Kingdom, hi hala tlhelo, a xi weli kona ka European Union, hambi leswi xi fumiwaka hi mfumu wa United Kingdom.
Image source: surfolks.com