• Subscribe to our newsletter and never miss a single post - for FREE
Literature, Nut!, Papila ra Conny

Papila ra Conny – Part 3 (Nhlamulo ya Conny)

Eka Vusiwana munghana wa mina

Munghana, u ta ni khomela loko ni lehise papila leri, kambe a ni nga lavi ku siya swin’wani hikuva vutomi bya mina a bya ha fani na khale. Leswi vutomi a byi tikisa xiswona, ni hete ni kume ntirho wa vumbirhi ka garage ya ka BP kwala Centurion, ni tirha ku hakerisa loko va xave petrol kumbe swin’wani kwala vhengeleni ra garage. Se ni tirha mintirho mimbirhi, ni tibyele kuri loko mali yo nyawula, kumbexana ni nga kota ku hakela xikolo ni ta hetisa tidyondzo ta mina ni ta tlhela ni wisa ku dyiwa hi Mukhalabya. Phela nkarhi wun’wani, Tatani Valoyi va gongodza hi matakuxa va lava ku kha miroho. Nkarhi wun’wani ni kala ni ba wonge a ni kona ni le ntirhweni. Swi endle na kuri ni xava na KY jelly ni veka kwala ndlwini hikuva Tatani Valoyi foreplay a yi tiviwi, xa vona i ku ni pfurisa milenge va nghenisa. Hi yona mhaka yi nga endla ni za ni xava KY jelly ku va ta hamba va tota va nga se nghenisa kuri ni nga vaviseki.

Leswi a swi karhata i kuri ti shift ta kona a ti lava ku kotlana, kambe u va tivaka vanhu ku va chava ku tirha night shift. Se hi la mina a ni lava kona, hikuva le a Shoprite a ni nghena hi 10 na mixo ni chayisa hi 6 namadyambu. Loko ni suka kwalano ni kongoma night shift ka BP. Loko vhiki ri ya hela, ni va ni nga ha lavi nchumu hi ku karhala. Nkarhi wun’wani ti shift a ti nga siyani kule, se na nkarhi wo wisa a ni nga wu kumi kahle. Swilo swi te swi ta onhaka loko hala ka Shoprite va tisa shop manager (Mufambisi) yin’wani va nge i Lucas Morapedi. Lucas yena vhele a nga telangi swa matlwangwani, a tikomba a ri munhu wo rhanda ntirho wa yena a tlhela a tiva na mafambisele ya vhengele. Jaha leri ri akekili, kuri i jaha-ntiyela, swa tikomba kuri i munhu loyi a ya ka a gymnasium. Ntsena yena a tsoniwe a nghoheni. Kahle-kahle loko munhu a nga langutangi kahle, a nga n’wu fanisa na KK Mulaudzi wa le ka Muvhango.

Ku nga se hela vhiki wun’wani wa vatirhi, vito ku nga Mapule u vitaneriwi ofisini hi mufambisi “KK” (a hi tirhisa vito leri loko a ngari kona, kumbe loko a nga hi voni). Mapule a kuri Mhani wo lungha loyi se a tikulerile, swilo swi onhake loko a xwerile ku fika ntirhweni. Mapule u hume ofisini a ri ku rileni, hi namba hi swi vona kuri KK a nga hambanangi ngopfu na lowa ka Muvhango. Mapule u nyikiwe final written warning, leswi swi endle kuri ni va na vukheta ngopfu, hikuva a ni nga lavi ku ti kuma ni ri ofisini ya KK. Hambi swi ri tano, mungimeto (saturday) wun’wani ni tsandeke ku pfuka hi mhaka ya leswi hi ra vuntlhanu wa kona a kuri mahelo ya n’wheti, se le garage a ti vuya swinene. Loko ni fika Shoprite ni kume Lucas (AKA KK) a yime nyangweni ya hofisi ya yena a langute nyangweni loko vaxavi va ri ku ngheneni, u lo vhela a ni kombetela hi rintiho a ni vitanela hofisini. Hi mpfhuka ni velekiwa a ni se tshama ni chuhisa leswi a ni chuhise swona, ni twa mbilu yi yime nkolweni ni nga koti no mita marha, matsolo ya sungula ku tika swi nga vevuki ku famba. Ni fike ni nghena ni tshama ka xitulu lexi a xi ri kona;

Conny: Morning Ntate Morapedi

KK: We can make this the hard-way or the easy-way, choice is yours Miss Constance Chauke (A vula leswi a ni langute hi tihlo leriya wonge ra vona leswi ni swi hleketaka).

Conny: The easy way. (Hambi leswi a ni nga switivi kuri The easy way yi olove ku fika kwihi, kambe a ni nga lavi ku huma hofisini ni ri ku rileni).

KK: Ku na vukhamba lebyi humelelaka la ka Shoprite, hi vonele ra mina i vatirhi va nga ku onheni. Se ni lava wena u ni pfuna hikuva lava va yivaka va tiva lomu CCTV yi nga fikeleriki kona. Mhaka leyi yi tava xikarhi ka mina na wena ntsena. (Makhamba wona a hi ya tiva kuri i vanhwana lavaya va Bapedi, Shirley na Gladys. A va yiva ivi va nyiketa boyfriend ya Shirley hi lunch, loko va chayisa va famba ximandlmandla.)

Conny: … (A ni ri hava marito yo hlamula hikuva a ni nga swi tivi kuri ni ta fika ni endliwa pimpi. A ni tlhela ni ti vutisa kuri The hard way yi njani.)

KK: Kasi u nga vileli hi ta endla swi olova, mina ni ta ku byela siku leri ni lavaka vuxokoxoko leswaku wena u nga tshami u humese mahlo a ni ri?

Conny: (Ni pfumela hi nhloko.)

KK: Vona phela, ni nyiki nambara ya wena kuri swi ta olova loko ni lava ku ku lerisa.

Conny: (A ni swi hlwerisangi, ni n’wi nyike ti whatsapp number, kambe ni ti twe ni fana na Judas lowo xavisa Yesu.)

KK: Inkomu. Kambe wena u tshama kwala kusuhi?

Conny: Ina, ni rente backroom a 15 Campbell Street. Hi kwala kusuhi.

KK: Se u xwerisa hi yini? Kumbe u rhanga u swekela nuna? (A vula hi ku n’wayitela)

Conny: Ni tshama ni ri nexe, ni pfa ni khoma temp lahayani BP, se anilo karhala (Ni vone kuri ku hemba swi nge ni pfuni hikuva swi nga endleka a va a swi tiva kumbe a ni vona siku rin’wani.)

KK: Swi ta ya hikuri swilo swi famba njani, kumbe rin’wani ra masiku hi nga yi lunghisa mhaka leyi.

Conny: Inkomu Mr Morapedi.

KK: Lucas!

Conny: Inkomu Lucas.

Loko ni huma ofisini ya Lucas ni ye toilet kuri vatirhi-kuloni va nga swi voni kuri mina a ni le ku rileni. Ni fike ni tshamanyana ni hleketa hi mhaka ya Lucas, ni swi vona kuri ku hava yin’wani ndlela. Na swona loko se ni bule na yena, ni kume ku nga ri munhu wo nonoha ngopfu, kumbe a ni tlunya hi leswi a nge te rin’wani ra masiku hi nga yi lunghisa mhaka leyi… a ni swi tivi manuku. Ku fambisa nkarhi ni humese papila leriya ra wena ni ringeta ku hlaya, kambe mpfukelo wungati tani hi masiku, kumbe i mhaka ya leswi a na ha chuhili. Ku hele mavhiki yo ringana manarhu swi lo swi ri karhi swi famba kahle. Hi ra vuntlhanu ra kona namadyambu a ni nga tirhi, se loko na ha tshamini ni langute Generations ni kume whatsapp yo huma ka nambara leyi ni nga yi tiviki:

Anonymous: Hey, I’m here at BP can I see you before I go?

Conny: Who’s dis?

Anonymous: Lol, it’s Lucas

Conny: Am sorry, I forgot to ask for your numbers. Am not working tonite (loko ni heta ku tsala leswi ni hoxa nambara ya yena ka ntsheko wa mina.)

Lucas: Just wanted to say hi, can I come by your place?

Conny: (Mbilu yi rhange yi kanakana, kambe ni swi hleketa kuri loko no ala ni nga tivangela swin’wani) It’s fine. 15 Campbell Street

Lucas: I know the address

Conny: (Ni rhange ni hlamala kambe ni vuya ni swi hleketa kuri ni n’wi byerili siku leriya ra nghozi) Please use pedestrian gate its never locked and walk to the backrooms, first door on the left.

Phela se ni ntswatsi, na swona a ni swi tiva kuri swi nga endleka a nga teli mhaka liya ya Shirley na Gladys. Mbilu ya mina yi bela henhla swinene, ni hatla ni ndlalula ni phutsa na leswi a ni dyela ka swona. Kambe a ni twisisa kuri na yena wa swi tiva kuri ka tika ku tshama ka backroom. Leswi a ri perili, u ni kume ni finingele xinkumbani ni titshamele henhla ka single bed. Ni twe ku koka-kokiwa ka milenge hala handle, xikan’we-kan’we ni twa ku gongondziwa, ni swi hleketa ku hi yena a gongondzaku tani hi leswi a ni n’wi rindzerile, kambe mihleketo yi tsutsuma yi hleketa kuri loko kova Khazamula ke, phela na yena Khazamula u na lero ta a nga vulangi, pho a kuri ravunthlanu. Ivi ni tela hiku chuha. Ni ti koka-koka ni ya rivantini, ni fika ni pfula, ni hlanganisa hi ku swarha ka KK na nuhelo wa switola-tolani swa kwe swo nuhela swo durha. Ni n’wayitela ni ku, “oh its you, nghenani” u lo hlamula hi ku n’wayitela ivi a nghena.

Leswi a kuri na rimoyani wena munghana, phela maxelo ya joni ma cinca kwala na kwala, ni lo hlamala kuri hikokwalaho ka yina KK a mbale shorty, a humesa na milenge ya yena ya mavoya; a yi saseke ku tlula xikandza xa yena. Loko na ha tsakisa hi vumbekelo ra mirhi wa yena na mbalelo ra yena, swi katsana na leswi a swi torile, ni twe a ni khumba katla a ku “Are you going to invite me to sit down?” Leswi hina hi titshamelaku ka kamara yin’we na vusweti byi ti nyike matimba, ni lo n’wi rhurhela kwala ka single bed. “I don’t have chairs, you can come sit on the bed,” kunene Lucas u vuye a tshama. Hi tshama swin’we kwala ka single bed ya mina. Leswi a hi tshama hi khumbananyana a ni twa leswi a nga tola ni swi twela kusuhi, dyi voko dya yena ni vona dyi hume na minsiha, na dyona a dyi ri na mavhele. Munghana u nga xisiwi vanhu va vumbekile, sweswi Xitsonga xi nge wanuna u saseka xikhwama. Xihembhani lexi a xi mbarile xo koma mavoko a xi fambisana na buruku yo koma leyi a yi mbarile, na ta ku swara ka yena a ni nga ha tivoni mina nhwana.

A ni tshamela ro n’wi yiva hi mahlo, ni ti byela kuri loko o ka a nga ni kombeli mina ni ta kala ni ti vika ndlala. Leswi a ku nga ri na heater, Lucas u kombele ku finingela nkumba na mina a ri karhi a ni vutisa leswi na leswiya mayelana na xikolo na ntirho wale BP. Loko a ko nghena munhu a ta hleketa kuri vhele hi nuna na nsati. Mina se a ni nga ha ti koti, ni twa na xiphambeni xi tshavatana xi lava ku yi twa ndeni. A hi tshame ka mbedwa hi khigetela khumbi, milenge yi ncikinya a moyeni, se loko ni cinca tshamelo ni lava ku khodla milenge; kasi ni ta ra ha nkumba wu kokeka wu vuya lomu mathangeni, loko ni languta hala ka Lucas ni kuma kuri burukunyana leri a nga mbala ri vambekili hi mpfukelo. Mathangha ya mina wona ma sala rivaleni, leswi se a ni mbale swo tlela hi swona na xirhangiso ni nga mbalani, swo ni poyila xihlometela, hambi u swi vonile Lucas aredzi. Nkarhi wa kona a ti nga ha hlamulani, kambe a ku tirha ririmi ra mirhi (body language). Mirhi wa mina hinkwawo wu sungula ku hisa, ni twa wonge se hi lo tshamela mbhawula; misisi a yi hlohlonya, makhehela ya nwayisa, mbhakatani na wona wu hisa bya langavi wu bazela hi ku tshavatana. Hi mbilu ni ku, leswi i swa vanhu, ni hleketa na ku Lucas u fane a ni tirhisela murhi.

Loko se mihleketo yi vuye nyana, ni koke nkumba ni wu vuyisa henhla. Ni tshame tlhelo ka yena hi khumbana hi mathanga, ni twa a kufumerili, ivi a tisa voko ra xinene hi le ndeni ka nkumba a khoma ra mina ra ximatsi hi hlanganisa tintiho. Ni twa a vula swin’wana kambe a ni twangi nchumu, ni lo vona milomo ya yena yi famba-famba kambe mpfumawulo a ni wu twangi, ntiyiso wa chuncha munghana. Mbilu ya dombo na mbilu ya mina swi phikizana hi ku ba swigingi, ni swi vona kuri namuthla ti ta vuya; leswo tolovela vavanuna va Vatsonga a swi ni helerile, phela a no xa mbila hi Musotho. Loko hi tswontswana ni twa o nge milomo ya mina yo thlava-thlaviwa, hala thlelo vusati bya mina byi rheta-rhetisa ma dyi ntiho ya Lucas loyi a ri busy a tlangisa mineve ya mina; mathangha ma rhurhumela, ma hefemulelo ma hina ma ta ta xikamarani xa mina. Ti vumbuludzana hi lava no wa ka single bed. Ni lo twa loko ntanghu ya Lucas yi wela hansi kuri se ni lava ku tirhiwa vaxumi, ni chava no keta loko a ni ndondoveta rintiho hiku loko no rasa ivi swi fika hala ndlwini, hi loko ni file ka Tatana Valoyi; kambe ni bakanya mihleketo ya leyo ni ku a xi ti lexi ta ku, ni nyanyukisa hi nyanyuko wo pfukela.

Musotho wa vanhu i nga ku a lo ta a ni dyele marhambu ya nhloko, ni hlamale se dyi mbale xisirhelelo, phe a swo endla i nga ku hi le ka xiteli (TV) ku tlanga filimi, loko ni ku kelu! Ni vona dyi yimise nhloko i nga ku i xivatla-nkombe lexiya xa le Mozambique xo tsetela (Mozambique spitting cobra), ivi ni ti lan’wa ni pfala mahlo ni yimela ku yena a endla hi ku rhandza. Ni lo hlamala loku ni khoma hi vusindza ka mbhakatani, kasi munhu u le ku lakatseni, mina no tsandzeka ku ti khoma ni n’wi manya nhloko hi mathanga, ni nga ha ti twi hi ku twa ku nandzika. Leswi a swi humelela ni pfale mahlo ni tsutsumisela mavoko ni tlakula mathangha kasi ni yi vangile. Lucas ni lo twa loko a dyi hoxa dyi ala, a ringeta nakambe dyi ala… “wait, wait, wait,” ku vula mina hi ku hefemulela henhla. Lucas a humese na mahlo phela se a dyi lava ndzeni. Ivi ni n’wi byela a teka KY JELLY kwala ku tshamaku swo tola, kuri a ta yi tota ku endlela kuri yi ta rheta kahle yi nghena. A nga za ngi a ni vutisela Lucas wa vanhu, u lo landzelela swileriso, ivi a ringeta nakambe, dyi nghena ka ntsongo-ntsongo. Vanhu va nyikiwile u nga xisiwi, Lucas u na ncila bava luya, dyin’wani dyo ntima dyi endla onge dyi xekiwe hi bodlela, dyo voyamela a ximatsini. Hi mbilu ni ku, la munhu u ta hlakatiwa dombo hi ku rhandza swilo, mbilu yin’wani yi navela ku dyi nghena hinkwadyo. Hambi leswi na xisirhelelo (condom) a xi nga n’wi ringani kahle, u ye mahlweni a ndondovetela, loko a khunyetela ko hlaya nyana ni twa se ni dyi tolovela, ni twa dyi dliva la hansi ka nkava. Hi nga ta famba hi hundzuluxiwa swivelekelo. Vumanager byi huma hi fasitere, Lucas se a nghena fon’weni, ni chichiwa na le henhla ka single bed va ni ndlala hansi, a ni byela ku ni pavalala kambe ni yimisa xisuti ntsena. Yena a fika a endla o nge u ba ti “push ups”  kwala henhla ka mina. Ni twa na tindleve ti pfaleka wena munghana, na ku swarha lokuya ni nga ha ri na mhaka na kona, tivinjana, loko a khunyetela na mina ni thlerisela ni pavalarise sweswo; kuva xisiya mani, ku twala ku gomela na ku keta-keta, ni nga ha ri na mhaka ku Tatana Valoyi kumbe Khazamula va nga nghena. Leswi na rivanti a hi nga khiyangi a va tava va hi kume “red handed”.

Swi vuye swi va tano rhengu riza ri hela, ivi Lucas a chulula a ri karhi a bongela kunene bya nghala leyi ku nga khale yi ri na ndlala. Mina nkarhi walowo a ni ri busy no titsuvula misisi. Hi vuye hi damarhelana na minyuku ya hina, hi wise nyana hi pfuka hi endla swo dya nyana ti nga hlamulani. Ku te endzhaku ka nkarhi nyana, Lucas a ku “So its true, Tsonga women are incredible in bed,” mina ni lo n’wayitela ni ku; “so its not true that Sotho men sucks in bed.” Ivi hi hleka hi vukarhana, hi vuye hi endla rhengu ra vumbirhi na ro hetelela kuri ndlela yo lelana, hi ku se a ri perile na swona Lucas a fane a famba a landza movha le BP garage a nga wu siya kona, u yi tivaku Joni munghana, phela va teka mimovha. “See you soon my love” ku vula Lucas… Se hi vuriwa na va my love loko va twa mbhakatani va KK, mina ni lo thlerisela hi ntswontswo a rhameni ni ku “let me take you out”, na ku hlangana na Tatana Valoyi a handle a ni ngaha chavi, ni ku a xi ti lexi taku. Mpela ni vuye ni n’wi jikela handle, ni thlelela ndlwini hiku a ri perile, a huma a famba. Loko ni ya fika ndlwini ni kuma kuri u siye xirhangiso hi ku jahela movha, ni lo xiteka ni xi veka la ku nga na mpahla ya thyaka. 

Wena munghana, Joni hi hlangana na swo hambana-hambana. Timhaka ta wena na thicara Ngoveni ti ni tshova mbilu, phela dyondzo I ya nkoka. Se u ta swiendlisa ku yini hiku a wu fane u hetisa mhaka ya ntangha khume kuri u ta kota ku vona yin’wani ndlela. Swi ta lava loko swiendleka u ta haleno Joni xikwan’we u ta lava lava ntirho, ni nga bula na Lucas hi ku nghenisa le Shoprite, swi nga olova kuri u nghena hi ku se masimu lama i ya yena; u tani hlamula loko u ti hlekete kahle.

U nga rivali kuva pfuxela kwale kaya, u va byela kuri ni hlayisekile na Joni leyi ya hina.

Wa wena wa le mbilwini.

Munghana wa wena wa ntiyiso.

Conny Chauke


Papila ra Conny – Part 2 (Nhlamulo ya Vusiwana)

 
Previous ArticleNext Article

Leave a Reply

Your email address will not be published. Required fields are marked *