• Subscribe to our newsletter and never miss a single post - for FREE
Entertainment

Benny Mayengani u kulungeli siku ra yena ro velekiwa na vaseketeri vo hundza 3000

Benny Mayengani a tlangela siku ra yena ra ku velekiwa na vaseketeri va yena xi kan’we na tinisini ta vunanga bya Xitsonga hi n’wheti ya Sunguti.

Ntlangu wo sungula wu teke ndhawu a Shawela, Psalms, hi ti 21 Sunguti 2017, laha a kulungela (celebrate) xi kan’we na Magezi Chauke, Mafamba, Dzovos na Xigubu xa Mhakaben na van’wana va ku tala. Eka ntlangu wo sungula, Benny Mayengani u koki vaseketeri va kwalomuya ka 1000 – 1500.

Ntlangu wa vumbiri wu teke ndhawu a Tembisa, a Mayibuye ka Baloyi, hi ti 28 Sunguti 2017, laha Mayengani a khome xiphemu xa vunyanyuri a ri yexe. Mayengani u koki kwalomuya ka 2000 – 2500 wa vaseketeri.

Mayengani u boxi leswaku ku hava vanhu lava a va vonaka va ri na tikelo a vuton’wini bya yena ku tlula vaseketeri va yena, u bi mandla a vuyelela a ku i ta endla na risimu ro khensa vaseketri va yena. Mayengani u kombi ku tsaka loko a vona rixaka ra hina ri tsakela mintirho ya yena a ha hanya, a tlhe a vula leswaku u na ku navela ku swi nga humelela eka tinsini hinkwato ta vunanga bya Xitsonga.


Eka mintlangu yo kulungela siku ra yena ro velekiwa, Benny Mayengani u tsahi minsumo ya tinsimu ta album yintshwa leyi a nga le ku tirhaneni na yona. Swi ti komba nga ku a nga humesa hi Good Friday.

Hi leyi minsumo ya tinsimu ta album leyintshwa;

  • “Vutomi i buku ya ntsako na mangava, wena dyambu u pelela yini ni nga se heta swa Misava?”
  • “Ku tsaka ka moya I ku tsaka ka nyama, vatsari va pfindluse Xitsonga I nge ni dzika…”
  • “Loko va ni vutisa ku hi kwalaho ka yini, ni va hlamule ni ku i kwalaho ka vona, u nga xisiwi hi nomo na matihlo, munhu i rhandziwa hi mbilu!”
  • “Vulavulani ni ta miyela, miyelani ni ta vulavula…”
  • “Mayengani u rhandziwa ku fana na mali…”

#NkunziyaMananga

Images: /www.facebook.com/pg/benny.mayengani2

 

 
Previous ArticleNext Article

Leave a Reply

Your email address will not be published. Required fields are marked *