• Subscribe to our newsletter and never miss a single post - for FREE
VIV Sports, VIV Variety

Loko vatlangi va AFCON a ku ri Vatsonga

Loko vatlangi va mphikizano wa AFCON 2017 a ku ri Vatsonga, a va ta va va huma eka tinyimba leti;

Aristide Bancé  / Source: ecodufaso.com

1 Aristide Bancé i tlanga onge i savheji ra ka Chauke; ku sindzisa i swi kota ngopfu, na nkani liya ya Vahlengwe u na yona.

Sadio Mane / Source: skysports.com

2Sadio Mane onge i vafana lavaya va ka Manganyi vo nyenyela; ku tibyela na vutiduni i swa vona, na ku rhandza ku xaveleriwa.

Source: googleboy.co.za

3 Tendai Ndoro na Khama Billiant onge i mahahlwa ma ka Ntsumele; a va lawuleki, va na nyanyuku wa hava na pongo kuve ndzilo wa mavivi i swiga swa vona.

Source: ghanalive.tv

4 – Vafana lavaya va ka Ayew onge i vafana va ka Maluleke loko va vona swinhwanyetani. Loko vo kuma mi ri hava ntamu, mi ta xanisiwa. Va rhandza tsima ngopfu, va twa onge jersey #9 na #10 i nhundzu ya ka Ayew. 

Mbhokani / Source: espnfc.com

5Mbokani onge i mufana wa ka Mavunda hi ku pfumala “Timing”; ku tlotloma na ku nyanyuka, ku ve mhaka ya onhaka hala ndzhaku.

Source: bbc.com

6 – Xipani xa Cameroon, xi tlanga hi njombo, onge i vanhu va ka Tembe. Mintlangu ya vona hinkwayo vo pona ku biwa; la u hleketaka ku se swi tsandzile ka Tembe, u to vona va yimisa nhloko.

Source: Photo: EPA/Khaled Elfiqi

7 – N’watipala wa Egypt, onge i mufana wa ka Khosa. Lero a nga lavi ku howiseriwa hambi kan’we loku. Vafana va ka Khosa va sirhelela ngopfu makaya, a va pfumeli munhu njhe, a nghena ka vona.

Source: hesportseagle.co.za

8 – Xipani xa DRC xi tlanga ku fana na Vahlave. U ta ku wa ha rindzile ku va vulavula hi rito rin’we, na ri nga se pela se va landzulana; ivi nala a tlanga hi vona. DRC yi bisiwe hi ku tiendla Vahlave.

Source: news.alibreville.com

9 – Xipani xa Gabon xi fana na vanhu va ka Valoyi. Va rhandza ngopfu ku endla mintlangu, kambe ku cina a va swi koti. Va tshembe ku kombela vatukulu va vona ku va ta cina.

Source: themoroccantimes.com

10 – Xipani xa Morroco xi fana na vanhu va ka Nxumalo, va swi rhandza ngopfu ku vangama hi vito ra vanhu van’wani. Vanhu va ka Nxumalo loko va ku kuma na network ya wena yi hupa-hupa, va nga ku endla u tivitana hi mavito ma vakokwa wa vona, u tlhe u tiba xifuva.

Source: GHANAsoccernet.com

11 – Mudzaberi wa Ghana i fana ngopfu na vanhu va ka Nkuna; va tiendla vona-vona. Loko Ghana yo hlula eka AFCON, hi ta wu twa munyu emavendeni. Vafana va ka Nkuna va swi rhandza ku ndzundzisana ka dinda loko va ku kumile, na swifafa swa vona swa dzenga ra ndzheko.

Boussoufa / Source: YouTube

12 – Boussoufa onge i mufana wa ka Xirindza; ku sindzisa hambi swi nga lavi ku sindzisa. Vafana va ka Xirindza va swi kota ku gangisa nhwanyana ku ringana ntlhanu wa malembe.

Gyan / Source: qatar-soccer.net

13 – Gyan i fana na vafana va ka Rikhotso; hambi a byeriwa ku he jaha, se wa yi lahla, hi nkanu o nge i jenje. Swifafa swa le ndzeni a swi sali ndzhaku. Rikhotso luya!

Coulibaly / Source: ahram.org.eg

14 – Coulibaly i fana na genge liya ya ka Mavunda, Makhuvele, Ndove, Mavasa, Valoyi, Ndhuvani na Nhovunga, leyi nga tsariwa swivongo hi B. Coulibaly i twa onge a hi van’we na Koulibaly. Swa vugenge swilo swa kona.

 
Previous ArticleNext Article

Leave a Reply

Your email address will not be published. Required fields are marked *