• Subscribe to our newsletter and never miss a single post - for FREE
Entertainment, VIV Variety

Timeless Tsonga Songs

Lowu i nxaxameto wa tinsimu ta Xitsonga leti ti nga ta ka ti nga suki etimbilwini ta vanhu. I ntolovelo ku ku va na tinjamba lembe na lembe, kambe, tinsimu leti hi bulaku hi tona la hansi i to hlawuleka. Leti i tinsimu to hi tsundzuxa swa tolo, ti tlhe ti hi pfuna ku tlangela swa namuntlha no gega genge.

Hi lowu nxaxameto wa tinsimu ta Xitsonga to ba hi la ku nga heriku;

Vele ra Manana ya Dr. Thomas Chauke na Shinyori Sisters – Yi biwa hi mother’s day, hi birthday ya oledi, na loko byala se byi ku tsunduxa Mhani hi vo 12 na vusiku.

Kokwana wa u’nwana ya Dr. Thomas Chauke na Shinyori Sisters – Yi biwa loko ku tlangeriwa vutomi bya Mkhegulu, na loko ku tsundukiwa khale Mkhegulu a ha hanya.

Ximbhazimani ya Thomas Chauke – Yi biwa loko wansati a tikumele nuna loyi wo endla onge i dzan’wan’wa.

Bebula ya Percy Mfana na Sunglen – Yi biwa loko vo Mhani va sungula ku phikizana hi swivelekelo. Hina vana va kona hi loyiwa hi mhaka risimu leri, wo hlamala se valungu va ku hlongelela spelling mistake.

Mangalani ya Comrade Xigevenga – Yi biwa loko ku gegiwa vo makhelwani emakumu ka nkosi.

Remind ya Penny Penny – Yi biwa hi genge liya a yi xexa hi 1994 ku fika 1999.

Hayi ka Mina ya Penny Penny – Yi biwa loko ku pikiwi nsati, kumbe loko a gegiwa. Vavanuna va swicele na vavanuna va low income va rirhandza ngopfu risimu leri.

Milandu bhe! ya Penny Penny – Yi biwa loko va vona ku u ta nyimba u nyuma.

Bum Bum ya Penny Penny – Yi rhandiwa hi genge ya 1990, na genge yo rhanda ti hoolahoop na ti knickerbocker.

Tiyisela ya Mhani Flo Chauke – Yi biwa loko ku  layiwa n’wana loyi a faneleke ku va nsati wa munhu.

Hi famba naye ya Edward Mabasa – Yi biwa loko vakon’wana va teka leswinga swa vona hi nkarhi wa ndzovolo, ri tlangeliwa na le henhla ku endlela ku tshikelela vo makhelwani.

A ku na Mun’wani ya Mr Bow – Yi biwa loko wanuna a xavelela eka nsati, endzhaku ko endla flop.

You Are My Number One ya Mr Bow – Yi biwa loko swa marhandzu swi famba kahle, hi honeymoon phase.

Nghunyuta ya General Muzka – Yi biwa loko ku gegiwa wanuna wo tsandzeka ku pfuka hi vurhonga.

Mbenjani ya Patrick Nkuna – Yi biwa loko ku gegiwa wanuna wo dyiwa timali hi xigangu ku ri hi ku vana na nsati va xaniseka.

Ku rhula ya Patrick Nkuna – Yi biwa hi vakhalabya lavaya vo lumbetiwa vuloyi.

Papa Boy ya Richard Maceke – Yi biwa loko wanuna a hlongole nsati a tshembe ku sala a dya tihomu yexe loko ku lovoriwa vana va vanhwana, ivi bvi nga lovoriwi.

Swivulavula ya Fernando Xivuri – Yi biwa loko wanuna a komba nsati ku hey, leswa swivulavula i xiphemu xa vutomi.

Ivi ku va na letiwani;

Vakokwani ya Eckson Maluleke

Ta Matshwa Bemuda;

  • Samaria
  • Nkata Mfundhisi
  • Xuma xa Sherly
  • Mahungu ndlela
  • Ndzi Hlayisi
  • Jaha Ringetela
  • Xidyondzeki xa Mbara
  • Maghwara-tshindi

Darlie Murhandziwa ya Ester M

Limpopo ya Doctor Sithole

What’s your timeless Tsonga song?

Image source:  Bomba Records

 
Previous ArticleNext Article

Leave a Reply

Your email address will not be published. Required fields are marked *