• Subscribe to our newsletter and never miss a single post - for FREE
Daily Xitsonga, VIV Sports

Mintshindzi (Facts) ya mphikizano wa AFCON 2017

  1. Xipani xa rixaka xa tiko ra Guinea-Bissau, hi xona xi ri xoxe, xo pfumala na mutlangi un’we, wo tlanga etikweni ra rikwavo. Vatlangi hinkwavo va tlanga ehandle ka tiko.
  1. Xipani xa rixaka ra Tunisia, hi xona xi nga na nhlayo ya le henhla ya vatlangi vo tlanga ekaya. Ku ringana khume-mune wa vatlangi, va tlanga ekaya.
  1. Xipani xa Morroco, hi xona xi ri xoxe, xo van’witipala va xona hinkwavo, va tlangela ehandle ka tiko.
  1. Eka xipani xa Morroco, ko va ntsena mune wa vatlangi lava nga velekiwa eMorroco. Vatlangi hinkwavo lavan’wani, va velekiwe ehandle ka tiko ra Morroco.
  1. Essam El Hadary, wa makume mune-nharhu wa malembe, n’watipala wa Egypt, hi yena mutlangi lonkulu eka vatlangi hinkwavo lava nga tshama va tlanga eka AFCON.
  1. Ismaila Saar, wa khume-nhungu wa malembe, hi yena mutlangi lontsongo eka vatlangi hinkwavo lava nga eka AFCON 2017.
  1. Xipani xa Al Ahly, xa le Egypt, hi xona xi nga na vatlangi vo tala eka AFCON 2017, ku ringana nkombo wa vatlangi.
  1. Xipani xa rixaka ra Uganda, xi tlange ntlangu wo hetelela, eka mphikizano wa AFCON lowu xi nga wu tlanga ro hetelela, hi lembe ra 1978 na xipani xa Ghana. Eka AFCON ya lembe leri, xipani xa Uganda xi tlange ntlangu wa xona wo sungula, na xipani xa Ghana.
  1. Ligue 1 ya le Tunisia, hi yona yi nga na vatlangi vo tala eka AFCON 2017, eka vatlangi lava tlangaka etikweni nkulu ra Afrika, ku ringana khume nkombo wa vatlangi.
  1. English Premier League, hi yona yi nga na vatlangi lavo tala, eka vatlangi lava nga ka AFCON 2017, kambe na va tlanga ehandle, ku ringana makume mbirhi-mune wa vatlangi.
  1. Swipani swa rixaka swa Somalia na Eritrea, swi ale ku tlanga mintlangu yo nghenelela AFCON 2017.
  1. Va ka Total, hi vona vaseketeri va mimphikazano hinkwayo ya CAF, eka nhungu wa malembe lama landzelaka, hi lexi endlaka AFCON 2017 yi vuriwa Total AFCON 2017.
  1. Lembe leri, xipani xa Guinea-Bissau, xi nghenelela ro sungula eka mphikizano wa AFCON.
  1. Eka swipani leswi nga tlanga AFCON 2015 le Equatorial Guinea, khume ra swona swi kote ku tlhela swi vuya eka AFCON 2017, ku nga:

Algeria
Burkina Faso
Cameroon
Cote d’Ivoire
DR Congo
Gabon
Ghana
Mali
Senegal
Tunisia

  1. AFCON 2017, i mphikizano wa vukhume-nharhu lowu xipani xa Tunisia xi nga wu nghenelele hi ku landzelelana. Tunisia va nghenelele eka mimphikizano hinkwayo ya AFCON, hi ku landzelelana, ku suka hi lembe ra 1994.
  1. Ku sukela loko ku sungule mphikizano wa AFCON hi lembe ra 1957, xipani xa Egypt hi xona xi nga tlanga eka mimphikizano yo tala ku hundza swipani hinkwaswo. Xi tlange eka mimphikizano yo ringana makume mbirhi-nharhu.
  1. Eka swipani hinkwaswo leswi nga ka AFCON 2017, ko va ntsena mune wa swipani, leswi dzaberiwaka hi vadzaberi va le ka rikwavo:

DR Congo
Guinea – Bissau
Zimbabwe
Senegal

  1. Mfungho wa AFCON 2017, i Xikankanka xa ntima, lexi vito ra xona ku nga “Samba”, leswi vulaka ku “Ha mi Amukela”, hi ririmi ra Xifang (Fang).

Featured Image Source: Soccer24

 
Previous ArticleNext Article

Leave a Reply

Your email address will not be published. Required fields are marked *