• Subscribe to our newsletter and never miss a single post - for FREE
Matimu

2016 Matric Results: Tintlhari ta Vutsonga – “Hi Tinyugubyisa hi n’wina!”

Hi wa vunarhu wa masungulo ya n’wheti ya Vuhimbini (Sunguti) 2017, Holobye va Ndzawulo ya Dyondzo ya Afrika Dzonga, Angie Motshekga, va paluxi mbuyelo wa swikambelo swa vadyondzi va ntangha khume-mbirhi va 2016. Eka vadyondzi va makuma-mbirhi-nharhu lava va nga pasa hi tinyeleti etikweni, khume-mbirhi va pfa eLimpopo.

Hambi leswi genge yi nga lumeka swikolo eVuwani na le Ka Malamulele lembe leri nga hundza hi xikongomelo xo kavanyeta tidyondzo, xifundzha-ntsongo xa dyondzo xa Vhembe hi xona xi nga hlula eLimpopo hi tlhelo ra mbuyelo wa swikambelo swa Matric 2016. Eka Vatsonga va le Gauteng na Mpumalanga, hi ta kombela mi hi rivalela, swi hi tekelini ku kuma vuxokoxoko bya mi mbuyelo ya le henhla ya vadyondzi na swifundza-ntsongo swa n’wina. 

Eka ririmi, i 26 681 wa vadyondzi va Vatsonga va nga tsala xikambelo xa Xitsonga xa tiko, i vi 26 556 wa vadyondzi va pasa Xitsonga hi makuma-mune-xa-dzana (40%) no tlurisa. Hi tlhelo ra vadyondzi va tinxaka timbe kambe na va dyondza Xitsonga, i vadyondzi va makuma-mbirhi-narhu va nga tsala xikambelo xa Xitsonga xa tiko, va tlhe va pasa hinkwavo.  

Hina va Vutsonga i Vukosi (VIV Lifestyle), hi rhanda ku tlangela vadyondzi va Matric 2016 lava va nga tirha hi ku tiyimisela, khomisani sweswo na kwalomu mi ya ku kona, mintirho ya valavula va rikwerhu.       

Hi lowu nxaxameto wa Tinyeleti ta Vutsonga ta Class of 2016 –

NATIONALLY

Nyeleti ya Phyiscal Science na Quintile 3:
Duncan Xihlovo Mabasa (#3), Risenga High
Mhlengwe va gwajuleli 300/300 eka xikambelo

Tinyeleti ta swikolo swa vatsoniwa:
Zacharia Nyathi (#1)
Hlulani Malungani (#2)
Rivoni School for the Blind va ri vambirhi

Nyeleti eka Quintile 2:
Talenta Matiane (#2), Jim Chavani High

LIMPOPO

NYELETI YA XITSONGA (LEVEL 7):
Nhlamulo Chauke, Jim Chavani High

NYELETI YA PHYSICAL SCIENCE:
Ntsako Osborne Chauke, Giyani High
Nganakati va gwajuleli 300/300

TINYELETI TA VUTSONGA EKA TOP 10:
Minkateko Cindy Mabuza (#1), St George College (Independent)
Nganakati va gwajuleli 300/300 eka Economics

Talenta Matiane (#5), Jim Chavani High (Public)

VADYONDZI VA NGA KUMA 300/300 EKA XIKAMBELO:
Vutivi Perseverance Rivombo, Khomanani High (Mathematics)
Vutivi Emelda Baloyi, EPP Mhinga (Economics)
S. Chavalala, EPP Mhinga (Economics)

SWIKOLO SWA VUTSONGA EKA TOP 10:
Rivoni School for the Blind (#1) – (Public / Special Needs)
Nkwangulatilo Education Center (#2) – (Independent)
EPP Mhinga High (#7) – (Public)

A hi va beleni mavoko, hi tlhe pfunana laha hi kotaku kona, dyondzo a va tsoni…

This slideshow requires JavaScript.

Sources: twitter.com/edu_limp / education.gov.za / Munghana Lonene (SABC)

 
Previous ArticleNext Article

Leave a Reply

Your email address will not be published. Required fields are marked *