Hi siku ra 18 Hukuri 2016, a ku ri na ntirho wa masagwadi ma swa vuyimbeleri le ka Maputsu. Lembe leri, a ku ri lembe ra vumakumenharu na ku simekiwe mphikizano wa masagwadi wa xiyenge xa le henhla wa le Musambiki, lowu vuriwaka TOP NGOMA MOÇAMBIQUE. Lembe leri, kwalomuya ka madzana-nharu (300) wa tinsini na swiyimbeleri va nghenelele mphikizano wa Ngoma 2016, laha huvo ya vahlawuri yi nga hlawula ntsena makume-ntsevu (60) ku ya eka xiyenge xi phikizana.
Tani hi leswi a swi rindzerisiwe xiswona, nyankatlambe ya vuyimbeleri ya ndhuma, Mr Bow, ku ve un’wana wa vahluri, loko a teke sagwadi ra Risimu Ra Ndhuma (Popular Song), hi risimu ra yena ra ku “Ni Ta Fa Na Wena“. Mr Bow u tiyisise xiyimo xa yena tani hi matsune wa vamatsune, hi ku teka sagwadi leri, lembe ra vumune hi ku landzelelana, ku nga matimu eka Ngoma Moçambique.
Nyankatambe un’wani loyi a nga kuma sagwadi ra xiyimo xa le henhla, i Jimmy Dludlu, loyi a nga hlula eka xiyenge xa Risimu Ra Lembe, hi njamba ya yena ya ku “Ha Devha”.
Handle ka vayimbeleri va vunanga bya ximanguva-lawa, eka Ngoma 2016, a ku ri na xieyenge xo phikizana ka va makomba-ndlela, laha Xidimingwana a nga kota ku hlula.
Vahluri eka Top Ngoma Moçambique 2016:
Mr Bow – Ni Ta Fa Na Wena
Popular Song of the Year
Cambezo – Ndinaenda Kupi
Male Newcomer of the Year
Tânia Quim – Khale Ka Vatolo
Female Newcomer of the Year
Filó – Se Ndza Famba
Female Artist of the Year
Deltino – Eparaka
Male Artist of the year
Anibalzinho – Ma Ouve Dizer
Most Voted Song of the Year
Xidimingwana – Dlawanini
Veteran of the Year
Rádio Moçambique, ku nga vona vahumelerisi va Ngoma, va tiyisisa ku vuyimbeleri lebyi fikelelaka eka xiyenge xo hetelela xa mphikizano, ku va ku ri vuyimbeleri byo saseka, byo aka, byo hluvukisa byi tlhe byi koka rinoko, tani hi ku, handle ka timali leti vahluri va ti kumaka, vahumelerisi va tiyisisa vupaluxi bya vuyimbeleri byebyo etikweni ra Musambiki, na le handle.
Images source: facebook.com/Ngoma-Moçambique