Va khale va vurisile loko va ku nsimbhi yi lotiwa hi nsimbhi. DJ Ganyani i sungule pfhumba leri ri pfunaka vahumelerisi lava ntsongo va vunanga bya House lava humaka ekaya ra dyambu, eLimpopo. De Mogul, wun’wani wa tinsini na vahumelerisi va The Family, i kandziyisi xivonwa (video), a ri ku tirheni na President Mayengani eka risimu rintshwa.
Vitanani switimela-ndzilo, swilo swi ta tika hi 2017; The Family yi hi khomele vunanga byo hisa.
Eka lava va ehleketaku ku risimu leri va nga ri twa eka xivonwa xa De Mogul, i rin’wani ra tinsimu leti ti nga ta huma eka album ya Benny Mayengani leyintshwa, a hi swona. Kambe a swi ta tsakisa loko Benny Mayengani a suma tinsimu ta tribal house, dancehall na disco eka album yin’we, ku nga ri Ndzhumba ntsena, tani hi leswi a nga na vuswikoti eka ku vhuma.
Hi vi hi tsalela GJ Ganyani ku tiyisisa leswi hi nga swi twa eka xivonwa, u hlamuli a ku;
“Minjani ku pfuka maxaka…
Yes it’s true, we are working on The Family-2nd Gathering project and we have done a track with Benny Mayengani, hi swona.”
