Below is a poetic narration of what happened e #WitsFeesMustFall hi Xitsonga xidzi.
Hi nge pfuki hi byi rivele vurhena bya N’wa-Mukhavele.
GARINGANI WA GARINGANI;
Xikandza xa hulukati* xa voneka
Nkati ya Xinkankaka* ya ngwingwa
Holoxi yi xi sale ndzhaku
Swigingi swa twala
Hi ngulumelo wa ku hima ka nkondzo
Evembeni ra ribye na nhlaka wa ntima
Minkulungwana! Swivuvutana!
Exidziveni xa nkitsikitsi, matoya ma nwela
Tinhenha ti languta emahlweni.
Varindzi va khokholo
Va hoxetela musi wo humesa mihloti
Nkati ya xinkankaka yi va languta
Yi hima hansi bya hulukati, yi cinisa tingula ta mafi
Varindzi va rhurhumela
N’waBaxani xi va tshinelela
Ku fana na ntsandze wa ximuwu
Ku va na nsiva-sivani, ntlangu wa varisi
Varindzi va khokholo, va hayeka minseve
va wa mapa.
Phuuu Choyoyoyo! Xa hina i Vutsonga.
- Hulukati* – Female Elephant
- Nkati ya Xinkankaka* – She Wolf
Image credit: Leeroy Jason / marieclaire.co.za / Sarah Mokwebo