• Subscribe to our newsletter and never miss a single post - for FREE
Customs, Lifestyle

Loko wansati wa Mutsonga a loveriwe hi nuna

Loko wansati wa Mutsonga a loveriwe hi nuna; vandyangu va hlengeletana ku endliwa tshamo wa muti. Laha hi kona a byeriwa leswaku emutini ya kona Majaha loko alava ku yisa emahlweni xivongo kumbe a vula leswaku i huma hi pangu. Endzhaku ka sweswo hi loko a byeriwa milawu na leswaku u ta tshama khume na mbirhi wa tin’hweti a nga se vona rhambu ra wanuna. U nyikiwa xibinya xisuti lexi a faneleke ku ambexiwa ku kondza a fikisa nkarhi lowu a nga pimeriwa.

Loko nkarhi wu fikile; u yisiwa le nkoveni a ya hluvuriwa tingoma na leswaku a nyikiwa mpfumelelo wa leswaku a nga hleka na vavanuna.

Loko a nga landzeli milawu leyi a nyikiwaka, khombo hi leswaku u ta khuma. Makhuma ya munhu wo loveriwa ya endla leswaku a kukumuka milenge na kwirhi. Ku hava Nyamusoro kumbe Mungoma loyi a nga kotaka ku tshungula makhuma. Munhu wa makhuma u khohlola a nga heti na swona Madokodela ya Xilungu ya tsandeka ku vona chumu; va to ku nyika maphilisi guma u kondza u fa.

Image Credit: AGENCE FRANCE-PRESSE/GETTY IMAGES/ODD ANDERSEN

 

 
Previous ArticleNext Article

Leave a Reply

Your email address will not be published. Required fields are marked *