• Subscribe to our newsletter and never miss a single post - for FREE
Entertainment

True Story: Ta ku gevengiwa ka Mabermuda

Xitsonga xi ri; “ku tiviwa swi tluliwa hi ku saseka…” kambe, ku tiviwa hi swa kahle, swi kahle ngopfu.

Xiyimbeleri xa ndhuma, Mabermuda Savangwane, loyi a dumeke hi risimu ra yena ro mbeya; “Matihlo ma vulavula”, u hlangane na tinsulavoya ta vaseketeri. Mabermuda, hi musmbuluku wa 18 July, loko a ri ku rhendzelekeni le ka Maputsu, emugangeni wa ka Nhlamankulu, u te loko a chika emovheni, na a tamele tifoni timbirhi ta manyunyu evokweni, vafana va moya va fika va ku n’u gii! Va vutla tifoni va tsutsuma…

Kasi hi le tlhelo, a ku yime van’wani vafana va ntlawa lowu, loko va vone ku genge yi yivele Mabermurda, va lo tsutsuma va ya ka yena va n’u vukarha, va ku:
“He Joe, i Mabermuda maan!”
Ivi va tshunela eku ta tiyisisa, va kuma ku himpela, hi yena. Va n’u vukarha va huwelela vito ra yena. Ivi va ku; “He Mabermuda, relax, wena u socha ra hina. Tifoni ta wena ti ta vuya sweswi…”

Hi loko va fonela genge leyi nga tsutsuma na tifoni, hi nkarhi wa hansi ka khume ra timinete. Hikanene, genge yi vuyise tifoni.

Hi ku vula ka Mabermuda:
“Vafana lava, va nga va makhamba, kambe ni tele hi vona. Ka Nhlamankulu ka tika!”

Image source: txiling.sapo.mz

 

 
Previous ArticleNext Article

Leave a Reply

Your email address will not be published. Required fields are marked *