• Subscribe to our newsletter and never miss a single post - for FREE
Entertainment

Rifu ra “Sasekisa” – King of Xitsonga Dance

Siku ra vukombo eka nhweti ya Mhawuri (7 July 2016), i siku leri swi nga twala eka varhandzi na vaseketeri va vunanga bya Xitsonga leswaku nsini leyi a yi tiveka hi vito ra Sasekisa (Given Chavalala), yi rahile bakiti. Hungu leri ri tshovile timbilu ta Vatsonga lavo tala swinene.

Rixaka ra Vatsonga ku suka eka tinsini ta vunanga bya Xitsonga, ku ya fika eka xitichi xa Vatsonga lexi tivekaku hi vito ra Munghana lonene, ku katsa na switichi swa mugunga, va vonakile va khoma xikatla mayelana na mhangu leyinga humelela.

Khale ka nsini Sasekisa, u tisile ku ncica swinene eka ndhawuko wa Xitsonga, ngopfu ngopfu loko swita hi hala ko cina. Hi lembe ra magidi-mbirhi kombo swi tile tani hi xihlamariso, loko mufi (Sasekisa) a kombisa vuswikoti bya yena lebyi nga hlamarisa rixaka ra Vatsonga na va matiko loko ku huma minkandziyiso leyi yikombiweke eka mova-kule (DVD) eka tinsimu ta madyondza. I mani a nga rivalaku tinsimu to fana na ingwazi, comeback, abnormal dance, ndiya ndiya, I love you, xigaza dance, na tin’wani to tala… A kuri na ntolovelo wa leswaku Xibelani xinciniwa hi vanhu va xinsati eka ndhavuko wa Xitsonga, kambe khale ka nsini ya vunanga bya Xitsonga kumbe muncini wa ncino wa Xitsonga, Sasekisa, u kombisile leswaku na vanhu va xinuna vanga endla ku atswa, ni leswaku ncino wa Ndhavuko a wu yi hi rimbewu kambe wo lava tsena ku byarha vutihlamuleri.

Khale ka Sasekisa u love a siya Album ya yena leyitshwa, leyi nga thyiwa “Mali Madlayisani”.

Nsini leyi yi tivekaku hi vito ra Magezi Chauke, u kandziyisile na risimu leri ririlaku khale ka xincini xa Ndhuma (Sasekisa), leringa thyiwa ku “Rest in peace Sasekisa”.

Hakanene mintirho ya vulavula, tani hi rixaka ra Vatsonga hi ta n’wi tsundzuka hi nkarhi hikwawo hi mintirho ya yena leyinene.

Etlela hiku rhula Mbombhi!  Loko kuri ku rhandza ka xikwembu, xi na xikongomelo, kambe loko a ri munhu muvangi wa swona, mbilu ya yena y itele lunya. U fambile, kambe awu rivaleki “Given Chavalala” AKA Sasekisa.

Mutsari: Noah Maluleke

 
Previous ArticleNext Article

Leave a Reply

Your email address will not be published. Required fields are marked *