• Subscribe to our newsletter and never miss a single post - for FREE
VIV Variety

5 Presidents ti nga tshama tidyeriwa vavasati!

Mhaka yo vavasati loko va ri na mali a va gelezi, ahi ntiyiso. Ni la ta mi komba hi vavanuna va ntlhanu lava va nga na mali hinkwayo, kambe vasati va vona, va gelezini.

King Mswati III

Mswati i na kwalomuya ka 13 wa vavasati. Ku hava na xibihela, hosi leyi yi teka timbhuri ntsena, a ni yo hlawula kunene lembe na lembe loko yi swi lava. Nothando Dube, wife #12 ya King Mswati, i dyiwe hi Justice Minister, Ndumiso Mamba… And a swi sunguli swa Mswati. LaDube i swi vone ka va katikulobye va yena. Hi 2004, vasati vambirhi va Mswati; Delisa Magwaza (LaMagwaza) na Putsoana Hwala (LaHwala) va gelezini, swi tlhe swi tiveka. Minister Ndumiso Mamba i vuye a khomiwa, a hehliwa hi nandzu wo tsan’wa no onha vito ra Ndhavezita.

Jacob Zuma

Nkulukumba Zuma, na yena i munhu wa tshengwe. Un’wani wa vasati va yena, Nompumelelo Ntuli, loyi a tivekaka tani hi MaNtuli, ku vuriwa ku i endle vugangu na murindzi wa yena (Bodyguard n’wana madala), Phinda Thomo, loyi a nga hetelela a tisunga. Ku vuriwa leswaku vugangu lebyi, byi fikele na le tindleveni ta va ndyangu hinkwavo, leswi nga endla va kananakana ku ndzwalo wa le mirini wa MaNtuli wu nga va wu ri wa #1.

Nelson Mandela

Well, swa Mandela swi technical. Winnie i tshame malembe nuna na a ri ekhotsweni. Loko nuna a hume ejele, i vuyelane na nsati. Mhaka i ku nsati se a a ri na vugangu na Ben 10, Dali Mpofu. Mandela i ringetile hi matimba ku herisa mhaka ya Ben 10, maar swi tsandza! Lava nga va kusuhi na mhaka, va ri hi swona swi nga endla ku Mandela a hoxa xikoxo xo herisa vukati bya Winnie.

Frederick Chiluba

President Chiluba i hanye a tlhe a fa na mbitsi yo nsati wa yena, Madam First lady Vera Chiluba, a geleza na n’wamabindzu wa ndhuma wa le Zambia, Archie Mactribouy; leswi nga endla ku ku va na ku divhosana. Mhaka ya madam Vera na Archie, se a yi endliwa onge ko va rirhandzu ra jaha na nhwana lava navelaka ku tekana.

Robert Mugabe

Uncle Bob i wanuna loyi loko a vulavula, ku rhurhumela vavanuna. Kambe, hambi swi ri tano, ku na vavanuna lava va nga na xivindzi. Ku vuriwa ku madam Grace Mugabe i khale va geleza na Gideon Gono, khale ka nhloko ya Reserve Bank ya Zimbabwe loyi hi hala tlhelo ku nga un’wani wa vanhu vo tshembeka eka Robert Mugabe. Xivandza-nyongeni. Makwavo wa Mugabe, Sabina, i ringetile ku byela Bob ku Gono i n’u dya swirhendze. Kambe lexi nga humelela i ku Cain Chademana, bodyguard leyi a yi rindza Sabina yi kumani na rifu, hi ndlela yo kanakanisa. Grace i hehliwa na hi mhaka yo pfa a tihumesa na khale ka swigango swa yena.

Mfo, be strong! Awu wexe, ku dyeriwa I vutomi!

Image: newsworldindia

 
Previous ArticleNext Article

Leave a Reply

Your email address will not be published. Required fields are marked *