• Subscribe to our newsletter and never miss a single post - for FREE
Entertainment, Matimu

Matshwa Bemuda: Nhenha ya vuyimbeleri bya Xitsonga – 24 albums in 10 years

Freddy Masingi u velekiwe hi lembe ra 1973, ivi a sungula ku yimbelela swa professional hi 1997 la nga humesa chom na chom no.1; tinsimu ta kona hi leti nga tata album ya Thomas Mzamani yo sungula. U humesile album ya Thomas Mzamani, Xuma, hi 1998; laha hi kona Matshwa a nga kota ku dhuma no humesa vuswikoti eka ntirho wakwe.

“Jaha leri a ri hundzula risimu kuva xitorhi, hikuva loko ku ya huma Papahulu no.2 a hi la ku twa ku se vale kwihi Papahulu….”

Matshwa a famba na minkarhi, a landzelela mahungu; famba yingisela Beauty eka album ya Boti na N’anga. Cosatu va yi hlongole namuntlha, n’hweti leyi taka ku huma album yi katse na swona. Masingi a kota ku tiendlela swivulavulelwa na swivuriso hi marito ya yena; famba yingisela Homu ya Mkhwakhwa ka Ntsinda Bagdad, kumbe Xidyondzeki xa mbara.

Swivuriso swa Matshwa Bemuda:

  1. Homu ya mkhwakhwa yi dya na maphepha
  2. Swifana no dodela xipene u ri na mukhuhlwana
  3. Ku zavalaza swi fana no hisa dulu
  4. Loko u lava ku humelela wo kanya mbilu
  5. Hi nga ringana mindzhuti tinqondho a tiringani
  6. Ku pfumala mali a hi ku pfumala nqhondho
  7. Ku wisa ka miehleketo I ku jumiwa hi vurhongo
  8. Loko munhu a fuya mbuti u tibyeli ku u la ku dya nyama
  9. Vusiwana a ni byi mamanga bya xitshuketani

Mathswa a kota ku paketela marito ya yena hi ndlela ya xiyimo xa le henhla hi ku tirhisa marito ya Xitsonga lawa hi ma rivaleke no tirhisa swilo kumbe minchumu leyi hi nga yi tiveki. I mani a tiva miroho ya Dziyariye? I mani a tiva deledele ku nga se huma ‘Vavanuna va tele’? Rinsimu rin’wana na rin’wana ra nhenha leyi a ri ri na xivuriso kumbe xivulavulelwa xa Xitsonga na xa “Ximathswa” lexi hi nga se xi twaka helo kambe xivulavula.

Loko a ya lova, Matshwa u yimbeleli eka:

  • Takwe – 10 albums
  • Ta Gezani Mzamani – 5 albums
  • Ta Mhakamhakeni – 4 albums
  • Ta Vhimba-mkhwama – 4 albums
  • Ta Mzamani wa Jack – 1 album

Ivi a pfuneta ku humesa album ya:

  • Eckson Maluleke – album yo sungula
  • Mayanda
  • Suglen (u vuyise Sunglen ka vuyimbeleri bya Xitsonga), mi ta tsundzuka ‘Jerusalema’
  • Percy Mfana – “Va ka Magomani”.

Leswi u swi endle hi less than 10 years; Matshwa u hundzile emisaveni a ri na 33 wa malembe.

Ni kombeni muphati kumbe muyimbeleri la nga tirhisa Xitsonga hi ndlela leyi jaha leri ri nga swi endlisa xi swona hi nkarhi wuntsongo na yena a ha ri ntsongo. Ni kombela mi ni komba ntangha ya yena hi swa vuyimbeleri?

Loko ho rivala nhenha leyi hi tava hi ri swidyondzeki swa timbara swi rivalaka vito ra Hluphela hikuva na tidigiri!

Compiled by Mzamani Makondo

tsonga sunday (1)

 
Previous ArticleNext Article

11 Comments

  1. I ngwenya leyi ya vuyimbeleri bya Xitsonga …ayiri na mafenya loko wo tshama na yona awuta bola timbambu..impela Mkhuvutlu uswi veke kahle

     
  2. Hi khensa marungula lamo tsokombela. Ndzi na matimu matsongo ya nhenha kambe ku hlaya leswi swi ndzi pfunile ku va ndzi engetela swin’wana eka ndzavisiso wa mina.

     
  3. Aniri na 16 wa malembe loko ahi siya. Kambe andzi tiva tinsimu takwr kuri landzelerisa tiri kutlangeni hinkwato
    Leswi aswi endliwa hikuva tinandzika. Sweswi ndzinga kula nyana ndzi thumbhe na vuswukoti byakwe ekaku hlanganisa timbila “arrangement of instrument”. Talenta yo taniya nahlambanya hingeheyi kumi.

     
  4. Nhenha yo fana naleyi andzi tshembhi Mina kuri hinga tshika hivenayona, aari mululamisi emindyangwini ya hina votala, xana u nghene kwihi Java raka masingi. tinsimu tawena Bambi leswi ungahirhangela ndlela Mina tahani dlhokodlha

     
  5. Nhenha yo fana naleyi andzi tshembhi Mina kuri hinga tshika hivenayona, aari mululamisi emindyangwini ya hina votala, xana u nghene kwihi Jaha raka masingi. tinsimu tawena hambi leswi ungahirhangela ndlela Mina tahani dlhokodlha

     

Leave a Reply

Your email address will not be published. Required fields are marked *