• Subscribe to our newsletter and never miss a single post - for FREE
BlakAkhive

MyClan: Cheleni (Hlengwe)

Compiled by Shitshembiso N’waMiyila Mabasa

Va ka Cheleni i Vahlengwe va yindlu ya Mihingo. Va ka Cheleni i Vahlengwe va rixaka ra Vatsonga. Tata wa va ka Cheleni i Jim Cheleni wa Makalochi wa Mihingo wa Zari wa Manguri wa Mantsena wa Bangwana wa Xinyori. Vito ra ka Cheleni a ri tiviwi ku ri pfa hi kwihi, kambe na hleketelela kuri ri ta hi laha emutini a ku fumiwini khale.

 “Va ka kanda ni chavani? Ni chava mahika!”

Va ka Cheleni va kumeka etikweni ra Vahlengwe va nge hi le ka Xigamani, eAfrika Dzonga. Ve Xigamani I ndhuna ya vukosi bya ka Mudavula loko va hlamuseta kokwani. Ndhuna yo sungula ya Xigamani wa khale, eMarhumbini (eVenda wa khale), a kuri John Mzamani Xigamani hi 1966. Ivi hi 1970 ku fuma Mbhazima Xigamani, enkarhini wa sweswi, ndhuna i Mzamani Edward kambe a nga se vekiwa exitulwini xifumo.

Va ka Cheleni hi ku hetiseka va kumeka laha;

  • Cheleni – ka Dakari (Ka Hasani)
  • Cheleni – ka Nkavele
  • Cheleni – ka Xigamani (4 families)
  • Cheleni – ka Mbhokota

Va ka Cheleni va tirhisa swivongo leswi;

  • Mavasa
  • Cheleni
  • Cawuke
  • Phahlela na swin’wani

Yindlu ya Hlengani (Nkava wa mina) | Family tree

Jim Cheleni na N’waMinchumu va veleki:

  • Mzamani
  • N’waJim wa ka Shadrack (Mathevula)
  • John Cheleni
  • N’waJim wa ka Chavalala

Mzamani na N’waMiyila va veleki:

  • N’waMzamani (Mhana Topisa)
  • Phahlela
  • Gezani
  • Khubani (N’waMzamani)

Phahlela (Dzengula) na N’waSalani (wa ka Mathevula) va veleki:

  • Hlengani

N’waHlengani (Phahlela va teki N’waHlengani endhaku ka ku lova ka N’waSalani) va veleki:

  • Jacki
  • Elisa
  • Godi
  • Khetani

Hlengani na Tsemisa (wa ka Hlungwani) va veleki:

  • Mzamani
  • Jane
  • Saki
  • Wiseman
  • Bethuel
  • Julia
  • Prudence

Mzamani na Mahlenga (wa ka Baloyi) va veleki:

  • Shitshembiso (N’waMiyila)
  • Hlayisani

Shitshembiso na Pfukani (wa ka Maluleke) va veleki:

  • Lwandle Worhanga-ndlela

Va ka kanda ni chavani? Ni chava mahika!”

Hi teto ta ka Cheleni, mi ti tiseriwa hi;

Xitshembiso xa Mzamani. Tuva ra Mahlenga. Nyarhi ya Vahlengwe. Felanyimpini.

Submit your clan history to admin@vivmag.co.za | Spreading the culture of documenting our history #BlakAkhive

 
Previous ArticleNext Article

Leave a Reply

Your email address will not be published. Required fields are marked *