• Subscribe to our newsletter and never miss a single post - for FREE
Entertainment

Festival ya Ndhuma wa Van’wanati yi fambe hi ndlela leyi…

Tinghenile tintlambi tifayetela-tifayetela tiheta leti akuri nkarhi wa tona.  Ivi ku nghena tiDj na tona tidjeya-djeya tiheta, mhaka yi te yi ta biha loko ku nghena Mr. Post na Joe Shirimani exitejini.

  • Loko va ha ringeta ku fayetela nghoma yi nga se va na timinete timbirhi kuya ka tinharhu, vanhu la vo loyiwa no progremiwa va sungula ku hoxetela swikotela a mahlweni ka Mr. Post na Joe.
  • Va ve va hupa Norman Xitongela vabvana hi xibodlela na xa savhanna laha anga tsunduka leswaku sikisi yi pfune matoya yo tala a hlanula swirhendze a chika stejini.
  • Post u ringetile ku kombela ku tirha kambe ko fana na kwala, va n’wu hoxa hi swikotela kambe a kuna munhu a nga khumbiwa hi xikotela leswi a swihoxiwa hi kokwalaho ka mpfhuka lowu awuri kona eka hoko yo tshama vanhu na le xitejini. Swikotela switinyike mandla laha Mr. Post anga vheta a swivona kuri leswi a ka ha ri swa mahala swi na ku pfuriwa xikarhi a vheta a huma a tsutsuma.
  • Ku huma ka Mr. Pots na Joe xitejini kuve ku yima Festival, laha muendli wa Festival nkulunkumba Howard Mashaba na Elphus va nga yimisa hinkwaswo leswi a swi endleka ivi va vutisa ntshungu kuri “ma ha lava hi endla festival lembe leritaku kumbe e-e hi mhaka ya matikhomelo ya nwina ke? Van’wani va ntlawa a va pfumela va ku “a ha ha yi lavi” / Kasi van’wani va ku “ha yi lava yi endliwa”.
  • Kwalaho Mr. Howard Mashaba u lerisile ntshungu ku tshika leswi ava swi endla ku ngari kuva kombela. Ntshungu wu sungule ku huwelela vito ra xin’wani xa swiyimbeleri, laha a ku twala ku “hi lava Benny hi lava Benny”.
  • Howard Mashaba u ve a huma stejini a landza Benny Mayengani laha a tshame kona a fika a burisana na yena kuri a ya timela papa ra yena ra swikotela. Himpela Benny Mayengani a nga honisangi i tlakuke xikan’we, xikan’we na n’wana wakwe wa jaha. Loko a sungula ku nghena xitejini xijahetani xakwe xi vule marito lawa “Vafana va mina la ka papa a mi nge lunghi”
  • Loko xi heta ku vula sweswo mbirhi xa nharhu ya vanhu va hlundzukile va hoxa swikotela swohlaya nyana Benny a nga se vulavula. Benny u sungule ku vulavula a ku “Vanhu va ka hina xikan’we na vaseketeri va mina nikombela nyana kuva na peace.” Ivi loko a ha vula sweswo ni vona swikotela swi sungula nyana ku nyanya ku hoxiwa. Benny u ye mahlweni a vula vula laha a nga boheka na ku vula leswaku “A hi tshikeni va Joe va perfoma i nkarhi wa vona va hakeriwile vanhu lava”.
  • Kwalaho swikotela swi ve swi yima nyana kambe Joe a nga ha pfumelanga ku nghena xitejini hiku chava vuhlayiseki byakwe. Laha ku nga vuya ku nghena van’wani va tiDj va tlanga na van’wani va tintlambi va tlanga ku kondza yi ku awara ya nharhu a henhla ka hloko laha a kuri na Heavy K stejini, u hetile ku tlanga.
  • Ni te na ha kumedza no twa vanhu ku yoooo yoooo yoooo, ivi ni phaphama ni hlanganisiwa hi ximoko xa musi wo nuha no tlunya laha ninga vona vanhu va sungula ku tlimbana va huma stadium van’wani va kandziyelana van’wani a va nga ha chavi na darata ya razer wire. Van’wani vanwhenyani lavo mbala swiburukwani swosiya mathangha a va nga ha languteki hi darata ya razer wire ayi va handzulerile .
  • Loko hi sungula ku huma tigate a kuri 3h35am se maphorisa ya Giyani a va ba gasi ya ku humesa mihloti laha yinga siya van’wani va etlele hansi kasi van’wani va rhwale hi tiambulance va ya xibedlele…

Reported by: PD NGHONYAMA (Originally posted on Facebook page ya Xitsonga Music Promotion)

 
Previous ArticleNext Article

Leave a Reply

Your email address will not be published. Required fields are marked *