• Subscribe to our newsletter and never miss a single post - for FREE
Matimu, Tinxaka ta Vutsonga

MLFM removes “Vatsonga/Machangani” from their website after public pressure

Handle ka guwa yo chavisa, va Munghana Lonene FM va boheki ku lulamisa no susa vito ra “Vatsonga/Machangani” eka ntumani (ritseve) wa xitichi. Leswi swi ta endzhaku ka swivilelo swo hlaya ku pfa eka vayingiseli va xiyanimoya lava ku nga Vatsonga, swivelelo swa vona swi kongomi eka vakulukumba va vurhangeli bya Munghana Lonene FM, xikan’we na le ka Lawrence Ubisi. Munghana Lonene FM yi hehliwe hiku pfilunganya no rhukana rixaka-nkulu ra Vatsonga hi ku tlakusa mfumu xivongo wa ka Nxumalo ehenhleni ka tinxaka tin’wani ta Vutsonga.

Nhlamulo ya Munghana Lonene FM ya tsalwa ra hina ra; Why does Munghana Lonene FM insist on labeling us as “Vatsonga-Machangani”?

Va makomba-ndlela va ve va pfumela nandzu handle ko titshikelela. Munghana Lonene FM yi na malembe yi kha yi lahlekisa rixaka, handle ko twisisa no chava switandzhaku swo vitana rixaka ra Vatsonga hi vito ra “Vatsonga/Machangani”, kumbe ku vitana ririmi ra Xitsonga ku i Xichangani.

Hina na va ka Munghana  Lonene FM, xikan’we na mfumu wa Afrika-Dzonga, ha pfumelelana ku rixaka ra hina i Vatsonga, hi valavula Xitsonga. Kambe, swi hoxekini ku vitana rixaka-nkulu ra tinxaka ta makume-mune hi vito ra ntlawa un’we, ku endla sweswo i ku pfilunganya no lahlekisa vanhu; a hi Vatsonga hinkwavo ku nga Machangani.

Hi ta rhandza ku khensa vurhangeli bya Lawrence Ubisi eku lulamiseni swihoxo swa malembe ku pfa eka xiyanimoya xa Munghana Lonene FM. Ndzulamiso wa muxaka lowu, hi ko ku “komba ndlela””, lexi xi nga sala i ku yirisa vahaxi ku vita rixaka hi mavito ya miganga ya vona, Vutsonga byikulu.

Avuxeni.

 
Previous ArticleNext Article

5 Comments

  1. A swi helelangi kwalaho! Munghana-Lonene u vumbiwe hi xikongomelo xo aka, ku akisa, ku hlayisa, ku hlohletela, ku kurisa ririmi ra Xitsonga. Ndzi ti nyungubyisa hi ku vulavula ririmu rerhu, kambe ndzi khunguvanyisa hi la vahaxi lava tinyikeke ntirho wo dlaya ririmi hi xiyimo xa le henhla. Nhlambha yo tani!

     
  2. I fenya ntsena. Rixaka leri ri ri karhi ri lwa ri ri roxe. Loko exikarhi ka rixaka leri ri vulavulaka ririmi rin’we kambe ku kumeka mintlawa yo hambana, swi biha kwihi ku vitana rixaka leri hi ndlela ya nkatsakanyo leyi yi nga siyeki ntlawa wo karhi ehandle? Profesor H.W.E Ntsan’wisi u rime ndzima leyi kulu ku ri rixaka leri ri tikuma ri ri laha ri nga kona handle ka ku tinyuma. A vitana rixaka leri ku “Vatsonga-Machangana” handle ka ku u tlakusa vuhosi bya ka Nxumalo. Leswaku ku na Machangana exikarhi ka Vatsonga a swi nga pfuki swi hundzulukili ni siku rin’we. Ematshan’weni ya ku mintlawa leyi yi khomana yi kurisa rixaka ku le ku lwetaneni hi swo ka swi nga tivikani. Tinxaka timbe ta ha to ya emahlweni ku hi hleka. Ina vuhosi bya ka Nxumalo byi helele kwele ka Gaza a byi pelangi nambu. Hosi leyi yi nga va yona yi nga ta ni vanhu va yona eka tiko leri yi ri ya Vatsonga hi yona yi faneleke yi nyikiwa vuhosi bya yona. Kambe rixaka rona i ra Vatsonga-Machangana, hambi mo swi thunya kwala ka Munghanalonene. Mi lava ku hi byela ku mi langutela ehansi vanhu va ka hina lava nga eMpumalanga (Bush)? I Machangana va tlhela va vulavula Xitsonga. Sukelani misawu hi rixaka leri ra vatukulu va Gwambe na Dzavani kun’we na swihluke swa Nghunghunyani. Ndzi vurili mina Mutsonga wo chava ku tsongola swa vanhu. Leswi mi swi endlaku swi fana ni leswi swi nga endla hi vafumo wa xihlawuhlawu, ngopfu-ngopfu Verwoed loko a te na ku hambanyisa vanhu va MaAfrika hu ya hi tinxaka. Khomani hi tingana eka vusopfa byo tano xikan’we na vona va lava nga mi sindzisa ku endla tano

     
  3. Mina ndzi rhandza ku nkhensa eka nwina va VIV MAG ku va mi nthlonthlile mpfilungana wa miehleketo eka hina vanyingi. Ro xa mi tikarhata hi mimpaluxo ya nwina masiku hinkwavo kambe doo! Va mbuyangwana va tsandzeka ku hambanyisa vutsonga ni vu Changana. Ro xa loko vanwani va twa madleke/vuputsu wo twa ku: ” hina hi huma enchangani, hi huma eka maputsu, hi huma e khoseni ” hambi anga ri wa xitiko xa kona. Hikokwalaho ka yini va nga vuli leswaku hi matsonga- vacopi, vatsonga -vatshwa, vatsonga -varhonga, vatsonga-vandzawu etc ke? swo fanela ku vatsonga- machangani? Hayi sukaa! Va makomba-ndlela na nwina ha minkhensa loko mi yingisile swirilo/swivilelo swa vatsonga.

     
  4. Nimba mavoko ndzi vuyelela eka Nwina va VIV MAG eka leswi a mitikarhatela swona xivono xa nwina xikale xivoniwa…..Intiyiso kuri rixaka ra hina ro tala rihuma e Muzabiki na Nwina vaka MLFM nakhesa loko mikote kutwa xirilo xa vayingiseli natshemba kuri lava avanga yingiseli xitichi lexi hikokwala ka pfilungano wa Vatsonga -Machangani vata sungula ku yingisela xitichi lexi nakambe.

     
  5. Hina hi ba mandla hi vuyelela eka ndzulamiso lowu wa Vatsonga/machangani.Hi swona swi endlaku na leswaku vana vo tala va matsonga loko va ti phata va nghenisa na va nghunghunyani where’s vona a hi machangani because of pfilunganyo lowu endliweke.hayy sukaa.Hina swa hi borha ku vitana hi mavito ma ti clan kumbe swivongo swa va nkokwa wa munghana kuve na hina hina swa hina man…………………

     

Leave a Reply

Your email address will not be published. Required fields are marked *