• Subscribe to our newsletter and never miss a single post - for FREE
Daily Xitsonga, Xana a wu swi tiva?

Xana a wu swi tiva? (Did you know?)

#1
Xana a wu swi tiva ku hi malembe lamaya ya vo 1930, a ku ri na phepha-hungu ra Xitsonga leri a ri vuriwa Nyeleti Ya Mixo: Phepha ra Vutsonga na Vurhonga, leri a ri xavisiwa Afrika Dzonga na le Mozambique?


#2
Xana a wu swi tiva ku Justin Chauke i un’wana wa tinhena ta tiko hinkwaro eZimbabwe?


#3
Xana a wu swi tiva ku vanyamisoro loko va femba moya wa thyaka eka mufembiwa, va tirhisa “wa tshwa, wa tshwa, wa tshwa”, va vula ku “wa huma, wa huma, wa huma” loko va wu hlongola?


#4
Xana a wu swi tiva ku rito “Xitshwa/Mutshwa/Vatshwa” ri pfela ka riendli ku tshwa? Na swona a wu swi tiva ku a hi ku tshwa ko twa ku hisa, kambe i ku tshwa ko “Huma/Hambuka”? Na ku vuriwa Hosi Madzivi loko va huma eka mfumu lowukulu wa Vahlengwe va tiendlela mfumu wa vona, ivi vona na valendzeri va vona va vuriwa “Vatshwa”, lero vahumi/vapambuki/vakokela-tlhelo.


#5
Xana a wu swi tiva va ka Masinga/Masinge/Masingi i Vahlengwe va ka Hlungwani?


#6
Xana a wu swi tiva ku rito rito “Mavele” ri katsa Xifaki, N’wahuva, Koroni, Xikombe, Maxalani, Mpunga, Makhaha etc?


#7
Xana a wu swi tiva ku vito ra “Limpopo River/Rio Limpopo” hi Xitsonga i Vembe?


#8
Xana a wu swi tiva ku nkandziyiso wa madyondza wa Penny Penny, “Shaka Bundu” wa 1994, hi wona nkandziyiso wa vuyimbeleri bya Xitsonga lowu nga tshama wu xavisa ku hundza minkandzyiso hinkwayo?


#9
Xana a wu swi tiva ku khale ka tiko-xikaya ra Gazankulu a ri ri na swifundza swa ntsevu, ku nga:

  • Giyani
  • Hlanganani
  • Lulekani
  • Malamulele
  • Mhala
  • Ritavi

#10
Xana a wu swi tiva ku vito ra “Indian Ocean/Oceano Índico” hi Xitsonga i Lwamumbi?

 
Previous ArticleNext Article

Leave a Reply

Your email address will not be published.

This site uses Akismet to reduce spam. Learn how your comment data is processed.